கையில் துப்பாக்கியுடன் நடிகர் சல்மான் கான் வாக்களிக்க சென்றாரா? நடந்தது என்ன?

This news Fact Checked by ‘Vishvas News’

சல்மான் கான் பலத்த பாதுகாப்புடன் வாக்களிக்க செல்லும்போது, கையில் துப்பாக்கியுடன் சென்றதாக புகைப்படம் ஒன்று வைரலாகி வருகிறது. இதுகுறித்த உண்மை சரிபார்ப்பை காணலாம்.

நடிகர் சல்மான் கான் கையில் துப்பாக்கியுடன் இருப்பது போன்ற புகைப்படம் சமூக வலைதளங்களில் வைரலாகி வருகிறது.

விஸ்வாஸ் நியூஸ் தனது விசாரணையில் வைரலான புகைப்படம் எடிட் செய்யப்பட்டிருப்பது கண்டறியப்பட்டது. சல்மான் கான் பலத்த பாதுகாப்புடன் வாக்களிக்க வந்திருந்தார். ஆனால் அவர் கையில் துப்பாக்கி இல்லை. புகைப்படம் எடிட் செய்யப்பட்டு கைத்துப்பாக்கி சேர்க்கப்பட்டு, பொய்யான குற்றச்சாட்டுகளுடன் பகிரப்பட்டு வருகிறது.

ஃபேஸ்புக்  பயனர் ‘ஆக்ஷன் இந்தியா’ என்ற பக்கத்தில் நவ. 20, 2024 அன்று வைரலான படத்தைப் பகிர்ந்து ஆங்கிலத்தில், “நான் லாரன்ஸைப் பற்றி பயப்படவில்லை! எச்சரிக்கைக்குப் பிறகு, பலத்த பாதுகாப்புக்கு மத்தியில் சல்மான் கான் வாக்களிக்க வந்தார்.” என பதிவிட்டுள்ளார்.

இடுகையின் காப்பக இணைப்பை  இங்கே பார்க்கவும்.

உண்மை சரிபார்ப்பு:

வைரலான பதிவின் உண்மையை அறிய, முக்கிய வார்த்தைகள் கூகுளில் தேடப்பட்டது. டைனிக் ஜாக்ரனின் இணையதளத்தில் கோரிக்கை தொடர்பான அறிக்கை கண்டுபிடிக்கப்பட்டது. இந்த அறிக்கை 20 நவம்பர் 2024 அன்று வெளியிடப்பட்டுள்ளது. அறிக்கையில், சல்மான் கான் வாக்களிக்கச் செல்லும் பல படங்கள் காணப்பட்டது. ஆனால் சல்மான் கான் எந்த படத்திலும் கைத்துப்பாக்கி வைத்திருக்கவில்லை. கிடைத்த தகவலின்படி, சல்மான் கான் பலத்த பாதுகாப்புடன் வாக்களிக்க வாக்குச்சாவடிக்கு வந்தடைந்தார். அவருடன் ஏராளமான போலீஸ் படையினரும், பாதுகாப்பு படையினரும் காணப்பட்டனர். சல்மான் கான் கையில் கைத்துப்பாக்கியுடன் வாக்களித்ததாக அந்த அறிக்கையில் எந்த இடத்திலும் குறிப்பிடப்படவில்லை அல்லது அத்தகைய படம் எதுவும் இல்லை. 

விசாரணையின் போது,  ​​இந்தியா டிவியின் அதிகாரப்பூர்வ யூடியூப் சேனலில் சல்மான் கான் வாக்குச் சாவடிக்கு வரும் வீடியோ பார்க்கப்பட்டது. அந்த வீடியோவில், சல்மான் கான் காரில் இருந்து இறங்கி வாக்களிக்கச் செல்வதைக் காணலாம். அவர் கையில் எதுவும் இல்லை என்பது வீடியோவில் தெரிகிறது. 

இரண்டு படங்களுக்கும் உள்ள வித்தியாசத்தை இங்கே பார்க்கலாம்.

தேர்தல் ஆணையத்தின் விதிகளின்படி, வாக்குச் சாவடியில் செல்போன், கைத்துப்பாக்கிகள் போன்றவற்றை எடுத்துச் செல்ல தடை விதிக்கப்பட்டுள்ளது. வாக்குச் சாவடிக்குள் நுழையும் முன், அங்கிருந்த அலுவலர் வாக்காளரைச் சரிபார்த்து, அடையாள அட்டையுடன் மட்டுமே நுழைய அனுமதிக்கப்படுவார்.

மேலும் தகவலுக்கு, மும்பையில் உள்ள மூத்த பொழுதுபோக்கு பத்திரிகையாளர் பராக் சாபேகரிடம் பேசப்பட்டது. வைரல் பதிவு தவறானது எனவும், எடிட் செய்யப்பட்டது எனவும் அவர் விளக்கினார்.

இறுதியாக, தவறான உரிமைகோரலுடன் புகைப்படத்தைப் பகிர்ந்த பயனரின் கணக்கு ஸ்கேன் செய்யப்பட்டது. அப்போது, பயனருக்கு இரண்டு லட்சம் பின்தொடர்பவர்கள் இருப்பது தெரியவந்தது. பயனர் இதேபோன்ற போலி பதிவுகளை பதிவு செய்வதும் தெரியவந்தது.

முடிவு:

சல்மான் கான் கைத்துப்பாக்கியுடன் வாக்களிக்கப் போகும் வைரல் படம் எடிட் செய்யப்பட்டுள்ளதாக விஸ்வாஸ் நியூஸ் தனது விசாரணையில் கண்டறிந்துள்ளது. சல்மான் கான் பலத்த பாதுகாப்புடன் வாக்களிக்க சென்றுள்ளார். ஆனால் அவர் கையில் பிஸ்டல் இல்லை. படம் எடிட் செய்யப்பட்டு, துப்பாக்கியும் சேர்க்கப்பட்டு, தவறான கூற்றுகளுடன் பகிரப்பட்டு வருகிறது. 

Note : This story was originally published by ‘Vishvas News’ and translated by ‘News7 Tamil’ as part of the Shakti Collective.