தங்கம் மற்றும் வெள்ளி விலைகள் தொடர்ந்து ஏற்ற இறக்கங்களை சந்தித்து வருகின்றன. சர்வதேச சந்தை நிலவரம், அமெரிக்க டாலரின் மதிப்பு உள்ளிட்ட பல்வேறு காரணங்களால் தினசரி விலையில் மாற்றங்கள் ஏற்படுகின்றன. இதனிடையே நேற்று தங்கம் விலை கிராமுக்கு ரூ.255-ம் சவரனுக்கு ரூ.2040-ம் குறைந்து, ஒரு கிராம் ரூ.12,215 க்கும், ஒரு சவரன் ரூ.97,720-க்கும் விற்பனை செய்யப்பட்டது.
இந்த நிலையில் இன்று (நவம்பர் 18) ஆபரணத் தங்கம் விலையில் அதிரடி மாற்றம் ஏற்பட்டுள்ளது. அதன்படி, சென்னையில் ஆபரணத் தங்கத்தின் விலை கிராமுக்கு ரூ.235 குறைந்து ஒரு கிராம் தங்கம் ரூ.11,980-க்கும், சவரனுக்கு ரூ.1880 குறைந்து ஒரு சவரன் ரூ.95,840-க்கு விற்பனையாகிறது. கடந்த 10 நாட்களில் மட்டும் ஆபரணத் தங்கத்தின் விலை ஒரு சவரனுக்கு ரூ.10,200 குறைந்துள்ளது.
வெள்ளி விலையும் தொடர்ந்து சரிந்து வரும் நிலையில், இன்று வெள்ளி விலை மேலும் குறைந்துள்ளது. அதன்படி, இன்று வெள்ளி ஒரு கிராமுக்கு ரூ.5-ம், கிலோவுக்கு ரூ.5000 குறைந்து, ஒரு கிராம் ரூ.180-க்கும், ஒரு கிலோ ரூ.1.80 லட்சத்துக்கும் விற்பனை செய்யப்படுகிறது.
இதற்கு முன் டிசம்பர் 2025 ல் ஆபரணத் தங்கத்தின் விலை ஒரு சவரன் ரூ. 96,000-ல் இருந்தது. அதற்கு பிறகு 11 மாதங்கள் கழித்து, ஆபரணத் தங்கத்தின் விலை ஒரு சவரன் ரூ. 1 லட்சத்துக்கு கீழ் வந்திருப்பது மக்களிடையே பெரும் மகிழ்ச்சியை ஏற்படுத்தியுள்ளது.




