தமிழ்நாடு பாஜக மாநில தலைவர் அண்ணாமலைக்கு Z பிரிவு பாதுகாப்பு வழங்க ஏற்பாடு நடைபெற்று வருவதாக தகவல் வெளியாகியுள்ளது.
தமிழ்நாடு பாஜக மாநில தலைவர் அண்ணாமலையின் உயிருக்கு அச்சுறுத்தல் இருப்பதாக மத்திய, மாநில உளவுப்பிரிவு தகவல் அளித்துள்ளது. ஏற்கனவே அண்ணாமலைக்கு Y பிரிவு பாதுகாப்பில், 2 தனிப்பாதுகாப்பு அதிகாரிகள் உள்பட 11 பேர் கொண்ட ஆயுதமேந்திய சிஆர்பிஎஃப் வீரர்கள் மற்றும் மாநில போலீசார் ஆகியோர் 24 மணி நேரமும் பாதுகாப்பு வழங்கப்பட்டு வந்தது.
இந்நிலையில் அவருக்கு அளிக்கப்பட்ட Y பிரிவு பாதுகாப்பை நீக்கி Z பிரிவு பாதுகாப்பு வழங்கப்பட வேண்டும் என மத்திய உள்துறை அமைச்சகம் தெரிவித்துள்ளது.
இது தொடர்பாக அண்ணாமலையிடம் Z பிரிவு அனுமதி விருப்பத்தை கேட்டு அவரிடம் கையெழுத்து கேட்டு பெற்றுள்ளனர். இதன் அடுத்த கட்டமாக அண்ணாமலைக்கு Z பிரிவு பாதுகாப்பு வழங்குவது தொடர்பாக மாநில அரசு முடிவு எடுக்கும் என்று தெரிய வருகிறது. மாநில அரசு ஒப்புதல அளித்த பின்னர் 32 கமாண்டோ வீரர்கள் சுழற்சி முறையில் அண்ணாமலைக்கு 24 மணி நேரமும் பாதுகாப்பு பணியில் ஈடுபடுவார்கள்.
