இந்தியா

இந்தியா – பிரிட்டன் இடையேயான விமானப் போக்குவரத்து வரும் 6ம் தேதி முதல் தொடக்கம்; மத்திய அரசு அறிவிப்பு!

புதிய வகை கொரோனா வைரஸ் தொற்று காரணமாக நிறுத்தி வைக்கப்பட்டிருந்த இந்தியா- பிரிட்டன் இடையேயான விமானப் போக்குவரத்து வரும் 6 ஆம் தேதி முதல் தொடங்கும் என மத்திய அரசு தெரிவித்துள்ளது.

கொரோனா வைரஸ் தொற்றின் புதிய பிறழ்வு பிரிட்டன், தென்னாப்பிரிக்கா உள்ளிட்ட நாடுகளில் பரவி பெரும் பாதிப்பை ஏற்படுத்தி வருகிறது. இந்த புதிய வகை வைரஸ் தொற்று சாதாராண கொரோனாவை காட்டிலும் 70% அதிக பாதிப்பை ஏற்படுத்தும் என்பதால் கனடா, துருக்கி ஸ்பெயின் உள்ளிட்ட பல்வேறு நாடுகள் பிரிட்டன் மற்றும் தென்னாப்பிரிக்காவுக்கு பயணத்தடைகளை விதித்துள்ளன. இதில் மத்திய அரசும் வரும் 7 ஆம் தேதி வரை பிரிட்டன் விமானங்கள் இந்தியாவில் நுழைய தடை விதித்திருந்தது.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

இந்நிலையில் இந்தியா – பிரிட்டன் இடையேயான விமானப் போக்குவரத்து வரும் 6 ஆம் தேதி முதல் தொடங்கும் என மத்திய விமானப்போக்குவரத்துத்துறை அமைச்சகம் தெரிவித்துள்ளது. இது தொடர்பாக மத்திய விமானப்போக்குவரத்துத்துறை அமைச்சர் ஹர்திப்சிங் பூரி வெளியிட்டுள்ள ட்விட்டர் பதிவில், இந்தியாவில் இருந்து பிரிட்டனுக்கு வரும் 6 ஆம் தேதி முதல் விமான சேவையும் பிரிட்டனில் இருந்து இந்தியாவுக்கு 8 ஆம் தேதி முதல் விமான சேவையும் தொடங்கும். ஒரு வாரத்திற்கு 30 விமானங்கள் இயக்கப்படவுள்ளன. அதில் 15 இந்தியாவில் இருந்தும் 15 பிரிட்டனில் இருந்தும் இயக்கப்படும். இந்த புதிய உத்தரவு வரும் 23 ஆம் தேதி வரை அமலில் இருக்கும் எனவும் தெரிவித்துள்ளார்.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

இந்தியா, பாகிஸ்தான் இடையே கிரிக்கெட் உறவு இருக்காது – மத்திய அமைச்சர் ஜெய்சங்கர்

EZHILARASAN D

22 மொழிகளில் தேர்வு நடத்த வேண்டும் – கனிமொழி

Dinesh A

அடையாளம் தெரியாதவர்கள் மூலம் தேசிய கட்சிகளுக்கு ரூ.15,000 கோடி நன்கொடை- ஆய்வில் தகவல்

Web Editor

Leave a Reply