சேலம் மற்றும் திருவனந்தபுரம் கோட்டங்களில் ரயில்வே பொறியியல் பணிகள் காரணமாக ரயில்கள் பகுதியாகவும், முழுமையாகவும் ரத்து செய்யப்படுவதாக தெற்கு ரயில்வே மதுரை கோட்டம் அறிவித்துள்ளது.

அதன்படி பகுதியாகவும், முழுமையாகவும் ரத்து செய்யப்படும் ரயில்களின் விவரங்கள்;

முழுமையாக ரத்து

கன்னியாகுமரி – திருநெல்வேலி இடையே இயக்கப்படும் பயணிகள் ரயில் வருகிற ஜூன் 11 ஆம் தேதி முழுமையாக ரத்து செய்யப்படுகிறது.

பகுதியாக ரத்து

1. மதுரை – கோவை இடையே இயக்கப்படும் விரைவு ரயில் வருகிற மே 1 முதல் 5 வரையிலும், மே 9 முதல் 15 வரையிலும் போத்தனூர் – கோவை இடையே பகுதியாக ரத்து. அதேபோல மே 6 முதல் 8 வரை பொள்ளாச்சி – கோவை இடையே பகுதியாக ரத்து.

2. மயிலாடுதுறை – செங்கோட்டை இடையே இயக்கப்படும் விரைவு ரயில் வருகிற மே 5,7,12 ஆகிய நாட்களில் மயிலாடுதுறை – கும்பகோணம் இடையே பகுதியாக ரத்து.

3. சென்னை எழும்பூர் – குருவாயூர் இடையே இயக்கப்படும் விரைவு ரயில் வருகிற மே 24 அன்று சாலக்குடி – குருவாயூர் இடையே பகுதியாக ரத்து.

4. ஹவுரா – கன்னியாகுமரி இடையே இயக்கப்படும் விரைவு ரயில் வருகிற ஜூன் 6 ஆம் தேதி வள்ளியூர் – கன்னியாகுமரி இடையே பகுதியாக ரத்து.

5. தாம்பரம் – நாகர்கோவில் இடையே இயக்கப்படும் விரைவு ரயில் ஜூன் 6 ஆம் தேதி நெல்லை – நாகர்கோவில் இடையே பகுதியாக ரத்து.

6. நாகர்கோவில் – தாம்பரம் இடையே இயக்கப்படும் விரைவு ரயில் ஜூன் 11 ஆம் தேதி நாகர்கோவில் – நெல்லை இடையே பகுதியாக ரத்து.

7. நாகர்கோவில் – கோவை இடையே இயக்கப்படும் விரைவு ரயில் ஜூன் 11 ஆம் தேதி நாகர்கோவில் – வள்ளியூர் இடையே பகுதியாக ரத்து.

8. திருவனந்தபுரம் – திருச்சி இடையே இயக்கப்படும் விரைவு ரயில் ஜூன் 11 ஆம் தேதி திருவனந்தபுரம் – நெல்லை இடையே பகுதியாக ரத்து.

9. திருச்சி – திருவனந்தபுரம் இயக்கப்படும் விரைவு ரயில் ஜூன் 11 ஆம் தேதி நெல்லை – திருவனந்தபுரம் இடையே பகுதியாக ரத்து.

ரயில் சேவையில் மாற்றம்

நெல்லை – பிசால்பூர் இடையே இயக்கப்படும் விரைவு ரயில் ஜூன் 11 ஆம் தேதி போத்தனூர் – இருகூர் வழியாக இயக்கப்படும் என்றும் தெற்கு ரயில்வே மதுரை கோட்டம் சார்பில் தெரிவிக்கப்பட்டுள்ளது.