நியூஸ் 7 தமிழ் தொலைக்காட்சி சார்பில் “ஊரும் உணவும் – இது உங்க ஊர் திருவிழா” காரைக்குடியில் உள்ள பாண்டியன் மைதானத்தில் பிரம்மாண்டமாக தொடங்கியது.

தமிழ்நாட்டின் பல்வேறு பாரம்பரிய உணவு வகைகளை ஒரே இடத்தில் சங்கமிக்க வைக்கும் வகையில் ஊரும் உணவும் திருவிழாவை நியூஸ் 7 தமிழ் நடத்தி வருகிறது. அந்த வகையில் கடந்தாண்டு ஆகஸ்ட் 6 மற்றும் 7 ஆகிய தேதிகளில் மதுரையில் முதன் முதலாக ஊரும் உணவும் திருவிழா நடைபெற்றது.

இந்த திருவிழாவில் உணவு வகைகள் மட்டுமின்றி பாரம்பரிய விளையாட்டுகள் மற்றும் போட்டிகளும் நடத்தப்பட்டன. நியூஸ் 7 தமிழின் இந்த புதிய முயற்சிக்கு மதுரை மக்கள் அமோக ஆதரவு தெரிவித்தனர். இதனைத் தொடர்ந்து ஓசூரில் கடந்த பிப்ரவரி 18 மற்றும் 19 ஆகிய இரு நாட்கள் நியூஸ் 7 தமிழ் சார்பில் ஊரும் உணவும் திருவிழா விமரிசையாக நடைபெற்றது.

இந்த நிலையில் “ஊரும் உணவும் – இது உங்க ஊர் திருவிழா” என்ற பெயரில் நியூஸ் 7 தமிழ் தொலைக்காட்சி சார்பில் சிவகங்கை மாவட்டம் காரைக்குடியில் உள்ள பாண்டியன் மைதானத்தில் இன்றும், நாளையும் ( ஏப்ரல் 8 மற்றும் 9 ) உணவுத் திருவிழா நடைபெறுகிறது. கட்டணம் எதுவுமில்லாமல் இலவசமாக இந்த உணவுத் திருவிழாவில் பங்கேற்கலாம்.

இன்று காரைக்குடியில் தொடங்கிய ஊரும் உணவும் திருவிழாவை காரைக்குடி உதவி காவல் கண்காணிப்பாளர் டாக்டர்.ஸ்டாலின் மற்றும் சிவசக்தி புரோமோட்டர்ஸ் நிறுவனத்தின் நிறுவனர் சிவசக்தி பாண்டியன் ஆகியோர் ரிப்பன் வெட்டி திருவிழாவை தொடங்கி வைத்தனர்.

தமிழகத்தின் பாரம்பரிய உணவு வகைகள் காரைக்குடி பாண்டியன் திடலில் ஒரே இடத்தில் தயார் நிலையில் வைக்கப்பட்டுள்ளன. இந்த உணவு திருவிழாவில் காரைக்குடி மக்கள் அதிகளவில் பங்கேற்று வரவேற்பு அளித்து வருகின்றனர்.

உணவுத் திருவிழாவில் இடம்பெறும் உணவு வகைகள்: