சந்திரயான் 3-யின் விக்ரம் லேண்டர் வெற்றிகரமாக நிலவில் தரையிறங்கியபோது எடுத்த வீடியோவை இஸ்ரோ வெளியிட்டுள்ளது.
ஆந்திராவின் ஸ்ரீஹரிகோட்டா ஏவுதளத்தில் இருந்து கடந்த ஜுலை 14ம் தேதி சந்திரயான் 3 விண்கலம் விண்ணில் செலுத்தப்பட்டது. அடுத்தடுத்து வெற்றி படிகளை சந்திரயான் 3 கடந்த நிலையில், கடந்த 23ம் தேதி மாலை விக்ரம் லேண்டர் வெற்றிகரமாக நிலவில் தரையிறக்கப்பட்டது. இதனால் ஒட்டுமொத்த உலகின் கவனமும் இந்தியாவின் பக்கம் திரும்பியுள்ளது.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
இஸ்ரோவின் இந்த மாபெரும் சரித்திர சாதனைக்கு அமெரிக்கா, ரஷ்யா, சீனா, இங்கிலாந்து, ஜெர்மனி, பிரான்ஸ், கத்தார் உள்பட பல்வேறு நாடுகள் வாழ்த்து தெரிவித்துள்ளன.
இந்நிலையில், சந்திரயான் 3 திட்டத்தில் பங்கேற்ற விஞ்ஞானிகளை, நேரில் பாராட்ட பிரதமர் மோடி நாளை பெங்களூருவுக்கு செல்கிறார். இதனிடையே, நிலவில் விக்ரம் லேண்டர் தரையிறங்கும்போது எடுத்த கடைசி நேர திக், திக் நிமிட வீடியோவை இஸ்ரோ வெளியிட்டுள்ளது.