கமல்ஹாசன் இணையும் Project-K படத்தின் முக்கிய அப்டேட் குறித்த தகவலை படக்குழு வெளியிட்டுள்ளது.
இயக்குனர் ஷங்கரின் இந்தியன் 2′ படத்தில் கமல்ஹாசன் நடித்து வருகிறார். இப்படத்தின் படப்பிடிப்பு இறுதிக்கட்டத்தை எட்டி உள்ளது. இதன் பின்னர் போஸ்ட் புரோடக்ஷன் பணிகள் தொடங்கியுள்ளது. இந்த நிலையில் கமல்ஹாசன் – ஹெச்.வினோத் கூட்டனியில் ‘KH 233’ படம் உருவாக உள்ளது. இதன் பின்னர் மணிரத்னம் இயக்கத்தில் ‘KH 234’ இல் கமல்ஹாசன் நடிக்க உள்ளதாகவும் தகவல்கள் வெளியாகியுள்ளது.
அண்மையில், கமல்ஹாசன் அடுத்து ப்ராஜக்ட் கே படத்தில் நடிக்கவுள்ளதாகத் தகவல்கள் வெளியாகியது. இதற்காகக் கமல்ஹாசனிடம் 20 நாட்கள் கால்ஷீட் கேட்கப்பட்டுள்ளதாகவும் அவருக்கு சுமார் 150 கோடி சம்பளமாக பேசப்பட்டு வருவதாகவும் கூறப்படுகிறது.
இதை உறுதிப்படுத்தும் விதமாக தாயாரிப்பு நிறுவனம் ஒரு வீடியோவை சமீபத்தில் வெளியிட்டுள்ளது. கமல்ஹாசனின் வருகையால் இப்படத்தின் மீதான எதிர்பார்ப்பும் மிகவும் அதிகரித்துள்ளது.
சயின்ஸ் ஃபிக்ஷன் கதையாக உருவாகி வரும் இந்த படத்தில் பாலிவுட் டோலிவுட் திரையுலகைச் சேர்ந்த முன்னணி நட்சத்திரங்கள் முக்கிய கதாபாத்திரங்களில் நடித்து வருகின்றனர். அதன்படி படத்தின் போஸ்டரில் பாகுபலி நடிகர் பிரபாஸ், பிரபல பாலிவுட் நடிகை தீபிகா படுகோன் மற்றும் நடிகர் கமல்ஹாசன் இணைந்துள்ளனர்.
இப்படத்தின் போஸ்டர் மற்றும் டைட்டில் ரீலீஸை அமெரிக்காவில் மிகவும் பிரம்மாண்டமாக நடத்தப் படக்குழு திட்டமிட்டுள்ளதாகத் தகவல்கள் வெளியாகியுள்ளது. அடுத்த மாத தொடக்கத்தில் இது குறித்த அதிகாரப்பூர்வ அறிவிப்பு வெளியாகும் என எதிர்ப்பாக்கப்பட்டது.
இந்த நிலையில் ப்ராஜக்ட்-K படத்தின் அப்டேட் அமெரிக்காவிலிருந்து ஜூலை 20ஆம் தேதி வெளியாக உள்ளதாக படக்குழு அதிகாரப்பூர்வமாக வெளியிட்டுள்ளது.
