தமிழ்நாடு பிரீமியர் லீக் கிரிக்கெட் தொடர் இந்த ஆண்டு ஜூன் 12ல் தொடங்க உள்ளது அதற்கான அட்டவனையை தமிழ்நாடு கிரிக்கெட் சங்கம் வெளியிட்டுள்ளது.
தமிழ்நாடு கிரிக்கெட் சங்கம் சார்பில் தமிழ்நாடு பிரீமியர் லீக் 20 ஓவர் போட்டி 2016 ஆண்டு அறிமுகம் செய்யப்பட்டது. டி.என்.பி.எல் போட்டியின் முதல் போட்டியை இந்திய அணியின் முன்னாள் கேப்டன் மஹேந்திர சிங் தோனி தொடங்கி வைத்தார். இதுவரை 6 தொடர்கள் நடைபெற்றுள்ளன. சேப்பாக் சூப்பர் கில்லீஸ் 3 முறை டி.என்.பி.எல் கோப்பையை கைப்பற்றி உள்ளது. டூட்டி பேட்ரியாட்ஸ் (2016), மதுரை பாந்தர்ஸ் (2018) ஆகிய அணிகள் தலா ஒரு தடவை சாம்பியன் பட்டம் பெற்றுள்ளன.
இந்த நிலையில் தமிழ்நாடு பிரீமியர் லீக் 2023 தொடரின் அட்டவணையை தமிழ்நாடு கிரிக்கெட் சங்கம் வெளியிட்டுள்ளது. 28 லீக் போட்டிகள் மற்றும் 4 பிளே ஆப் போட்டிகள் என மொத்தமாக 32 டி20 போட்டிகள் நடைபெறவுள்ளன
வருகின்ற ஜூன் மாதம் 12 ஆம் தேதி முதல் லீக் சுற்றுப் போட்டிகள், கோவை, திண்டுக்கல், சேலம், திருநெல்வேலி உள்ளிட்ட பகுதிகளில் நடைபெறவுள்ளன பருவநிலை பொறுத்து பிளே ஆப் போட்டிகளுக்கான மைதானங்கள் பின்னர் அறிவிக்கப்படும் என தெரிவிக்கப்பட்டுள்ளது.
டி.என்.பி.எல் வரலாற்றிலேயே முதல் முறையாக DRS முறை அறிமுகப்படுத்தப்பட்டு போட்டிகள் நடத்தப்பட உள்ளன. அதுமட்டுமின்றி, பிளே ஆப் போட்டிகள் மழையால் தடைபட்டால், மாற்று தேதியும் அறிவிக்கப்படும் என விதிமுறைகளில் தெரிவிக்கப்பட்டுள்ளது.
8 அணிகள் பங்கேற்கும் டி.என்.பி.எல் டி20 கிரிக்கெட் தொடர், வரும் ஜூன் 12 ஆம் தேதி தொடங்கி, ஜூலை 12 ஆ தேதி இறுதிப் போட்டியுடன் நிறைவு பெறுகிறது.
