டி20 உலக கோப்பை கிரிக்கெட்டில் ஜிம்பாவே அணியை 5 விக்கெட்டுகள் வித்தியாசத்தில் நெதர்லாந்து அணி வெற்றி பெற்றது.
8வது டி20 உலக கோப்பை கிரிக்கெட் தொடர் ஆஸ்திரேலியாவில் நடந்து வருகிறது. இத்தொடரில் இன்று நடைபெற்று வரும் ஆட்டத்தில் நெதர்லாந்து, ஜிம்பாப்வே அணிகள் மோதின. இந்தப்போட்டிக்கான டாஸ் வென்ற ஜிம்பாவே அணி முதலில் பேட்டிங்கை தேர்வு செய்தது.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
இதையடுத்து முதலில் களமிறங்கிய ஜிம்பாவே அணி 19.2 ஓவர்கள் முடிவில் அனைத்து விக்கெட்டுகளையும் இழந்து 117 ரன்களே எடுத்தது. அந்த அணியில் அதிகபட்சமாக ராசா 40 ரன்னும், வில்லியம்ஸ் 28 ரன்னும் எடுத்தனர். ஜிம்பாப்வே அணி தரப்பில் பால் வான் மீகெரென் 3 விக்கெட்டும், பிரண்டன் கிளெவர், லீடெ, வான் பீக் தலா 2 விக்கெட்டும், கிளாசென் 1 விக்கெட்டும் வீழ்த்தினர்.
தொடர்ந்து 118 ரன்கள் எடுத்தால் வெற்றி என்ற இலக்குடன் நெதர்லாந்து அணி களமிறங்கியது. அந்த அணியின் தொடக்க வீரர்களாக ஸ்டீபன், மேக்ஸ் ஓட்வாட் ஆகியோர் களம் கண்டனர். இதில் ஸ்டீபன் 8 ரன்னில் ஆட்டம் இழந்தார். இதையடுத்து டாம் கூப்பர் களம் இறங்கினார். மேக்ஸ் ஓட்வாட், டாம் கூப்பர் இணை அருமையாக ஆடி ரன்களை சேகரித்தனர்.
இதில் டாம் கூப்பர் 32 ரன்னுக்கும், மேக்ஸ் ஓட்வாட் 52 ரன்னுக்கும் ஆட்டமிழந்தனர். இதையடுத்து களம் இறங்கிய காலின் 1 ரன்னுக்கும், எட்வர்ட்ஸ் 5 ரன்னுக்கும் அவுட் ஆகினர். இறுதியில் அந்த அணி 18 ஓவர்கள் முடிவில் 5 விக்கெட் இழப்புக்கு 120 ரன்கள் எடுத்து வெற்றி பெற்றது.