சிறுத்தை சிவா இயக்கத்தில் சூர்யா நடித்து வரும் “சூர்யா 42” படத்திற்கு “கங்குவா” என பெயரிடப்பட்டுள்ளது.
தமிழ் சினிமாவின் முன்னணி நட்சத்திரமான சூர்யாவின் நடிப்பில் சமீபகாலமாக வெளிவந்த எதற்கும் துணிந்தவன், ஜெய் பீம், சூரரை போற்று உள்ளிட்ட படங்கள் அனைத்தும் ரசிகர்கள் மத்தியில் வரவேற்பை பெற்றது.
இந்நிலையில்,சிறுத்தை சிவா இயக்கத்தில் சூர்யா நடித்து வருகிறார். இப்படத்தில் கதாநாயகியாக பிரபல பாலிவுட் நடிகை திஷா பதானி நடிக்க, யோகி பாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கியக் கதாபாத்திரங்களில் நடிக்கின்றனர்.
https://twitter.com/StudioGreen2/status/1647443694877024257?s=20
படத்தின் போஸ்டர் ஏற்கனவே வெளியாகி எதிர்பார்ப்பை ஏற்படுத்தி உள்ளது. இந்த நிலையில் தற்போது “சூர்யா 42” படத்தின் டைட்டில் டீசரை ஸ்டுடியோ க்ரீன் தனது யூட்யூப் சேனலில் வெளியிட்டுள்ளது. அந்தவகையில் இந்த படத்திற்கு “கங்குவா” என பெயரிடப்பட்டுள்ளது. 10 மொழிகளில் 3டி தொழில்நுட்பத்தில் இந்த படம் உருவாகி வருவது குறிப்பிடத்தக்கது.
