ஆஸ்கர் விருது வழங்கும் மேடையில், தொகுப்பாளர் கிறிஸ் ராக்கை நடிகர் வில் ஸ்மித் கன்னத்தில் அறைந்ததால் பரபரப்பு ஏற்பட்டது.
அமெரிக்காவின் லாஸ் ஏஞ்சலஸ் நகரில் உள்ள டால்பி திரையரங்கில் இந்த ஆண்டிற்கான, 94வது ‘ஆஸ்கர்’ விருது வழங்கும் விழா கோலாகலமாக நடைபெற்றது. இதில் டெனிஸ் வில்லெனுவ் இயக்கத்தில் வெளியான ‘Dune’ திரைப்படம் ஒளிப்பதிவு, ஒலிப்பதிவு, இசை, படத்தொகுப்பு, தயாரிப்பு வடிவமைப்பு, விஷுவல் எபக்ட்ஸ் ஆகிய 6 பிரிவுகளில் விருதுகளை குவித்தது.
‘West Side Story’ படத்திற்காக சிறந்த துணை நடிகைக்கான விருதை அரியானா டிபோஸ் வென்றார். சிறந்த துணை நடிகருக்கான விருது ‘Coda’ திரைப்படத்தில் நடித்த ட்ராய் கோட்சருக்கு வழங்கப்பட்டது.
அண்மைச் செய்தி: நாடு தழுவிய வேலை நிறுத்தப் போராட்டத்தால் சிரமத்திற்கு உள்ளான பயணிகள்
ஜப்பானின் Drive My Car திரைப்படத்திற்கு சிறந்த வெளிநாட்டு திரைப்படத்திற்கான ஆஸ்கர் விருது வழங்கப்பட்டது. இதேபோல், சிறந்த அனிமேஷன் திரைப்படமாக Encanto தேர்வானது. சிறந்த நடிகருக்கான ஆஸ்கர் விருது கிங் ரிச்சர்டு படத்திற்காக வில் ஸ்மித்திற்கும், சிறந்த நடிகைக்கான விருது ஜெசிகாவுக்கும் வழங்கப்பட்டது.
சிறந்த இயக்குநருக்கான விருது the power of the dog படத்திற்காக Jane Campion-க்கு வழங்கப்பட்டது. Sian Heder இயக்கத்தில் வெளியான Coda திரைப்படம், சிறந்த திரைப்படத்திற்கான ஆஸ்கர் விருதை வென்றது. இதனிடையே, ஆஸ்கர் விருது வழங்கும் மேடையில், தொகுப்பாளர் கிறிஸ் ராக்கை நடிகர் வில் ஸ்மித் கன்னத்தில் அறைந்ததால் பரபரப்பு ஏற்பட்டது. தனது மனைவி ஜாடா பிங்கெட்டை, கிறிஸ் ராக் கேலி செய்ததால் நடிகர் வில் ஸ்மித் ஆத்திரமடைந்து கன்னத்தில் அறைந்தார் என கூறப்படுகிறது.
சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
