மதுரையில் சஷ்டி விழாவை முன்னிட்டு பூக்களின் விலையில் மாற்றம் ஏற்பட்டுள்ளது. மதுரை மாட்டுத்தாவணி மலர் சந்தையில் இன்று மதுரை மல்லி கிலோ ரூ.1,200-க்கும், பிச்சி ரூ.500-க்கும், முல்லை ரூ.400-க்கும், சம்பங்கி ரூ.250-க்கும் விற்பனை செய்யப்படுகிறது.
நேற்றைய விலையுடன் ஒப்பிடுகையில் மதுரை மல்லி கிலோவுக்கு ரூ.300, பிச்சி ரூ.300, முல்லை ரூ.200 என விலை குறைந்துள்ளது. அதேசமயம், கனகாம்பரம் கிலோ ரூ.1,000-ல் இருந்து ரூ.5,000 ஆக உயர்ந்துள்ளது. பட்டன் ரோஸ் ரூ.300-க்கும், அரளி ரூ.500-க்கும், மரிக்கொழுந்து ரூ.400-க்கும் விற்பனை செய்யப்படுகிறது.
மேலும், செவ்வந்தி ரூ.120, செண்டு மல்லி ரூ.60, ரோஸ் ரூ.200, பன்னீர் ரோஸ் ரூ.200, கோழிக்கொண்டை ரூ.80 என விற்பனையாகிறது. தாமரை ஒன்று ரூ.40-க்கு விற்பனை செய்யப்படுகிறது. சஷ்டி விழாவை முன்னிட்டு பூக்கள் வாங்க பொதுமக்கள் மற்றும் பக்தர்கள் ஆர்வம் காட்டி வரும் நிலையில், பூக்கள் வரத்து குறைவினால் மதுரை மலர் சந்தையில் பூக்களின் விலையில் ஏற்ற இறக்கம் காணப்படுகிறது.
