லியோ படத்தில் நடிகர் சஞ்சய் தத் சம்பந்தப்பட்ட காட்சிகளின் படப்பிடிப்பு முடிவடைந்ததையடுத்து, படக்குழுவினர் அவரை வழியனுப்பி வைத்த புகைப்படம் வைரலாகி வருகிறது.
லோகேஷ் கனகராஜ் இயக்கத்தில், விஜய் நடிக்கும் படம் லியோ. 7 ஸ்க்ரீன் ஸ்டுடியோ இந்தப் படத்தைத் தயாரிக்கிறது. அனிருத் இசையமைக்கிறார். மனோஜ் பரமஹம்சா ஒளிப்பதிவு செய்கிறார். சஞ்சய் தத், அர்ஜூன், த்ரிஷா, மிஷ்கின், கௌதம் மேனன், பிரியா ஆனந்த் என்று மிகப்பெரிய நடிகர் பட்டாளமே நடிக்கின்றனர்.
இதன் படப்பிடிப்பு காஷ்மீரில் நடந்து வருகிறது. கடந்த மாதமே இந்தப் படத்தின் அடுத்தடுத்த அப்டேட்களை வெளியிட்டு, 19.10.23ம் தேதி பான் இந்தியா படமாக வெளியாகும் என்று சொல்லிவிட்டனர்.
இருப்பினும் சமூகவலைதளங்களில் படம் குறித்து பல்வேறு தகவல்கள் வெளியாகி வருகின்றன. சமீபத்தில் நடிகர் மிஷ்கினின் காட்சிகள் முடிக்கப்பட்டிருந்தன. இதுகுறித்து மிஷ்கின் மற்றும் லோகேஷ் இருவரும் தங்கள் ட்விட்டர் பக்கத்தில் பதிவு போட்டிருந்தனர்.
இந்நிலையில் தயாரிப்பு நிறுவனமான 7 ஸ்க்ரீன் ஸ்டுடியோ தங்களது அதிகாரபூர்வ ட்விட்டர் பக்கத்தில், “சஞ்சய் தத் சார் அவரது ஸ்டைலில் படக்குழுவுடன் இணைந்துள்ளார் என்று கூறி சஞ்சய் தத் படக்குழுவுடன் இணைந்த #BRACEYOURSELF என்ற வாசகத்துடன் வீடியோவை பதிவேற்றியுள்ளனர்.
https://twitter.com/7screenstudio/status/1636695567496609792?t=yI9BF0Y9f6BjYOZFwbEGfQ&s=08
இந்நிலையில், சஞ்சய் தத் காஷ்மீர் படப்பிடிப்பை முடித்துவிட்டு கிளம்பிய நிலையில் அவரை படத்தின் தயாரிப்பாளர் லலித் மற்றும் விஜயின் மேனேஜர் வழியனுப்பி வைத்துள்ளனர். இதுகுறித்த 7 ஸ்கிரீன் ஸ்டுடியோ ட்விட்டர் பதிவில் ’சஞ்சய் தத் அவர்களுடன் பணி புரிந்தது மிகவும் மகிழ்ச்சியான அனுபவம். மிகவும் எளிமையான இனிமையான மனிதர். உங்களை சென்னை செட்டில் சந்திக்க எதிர்பார்ப்புடன் காத்திருக்கிறோம். மீண்டும் சந்திப்போம் சார் என்று தெரிவித்துள்ளனர்.
-ம.பவித்ரா
