கச்சா எண்ணெயில் பாகிஸ்தானுக்கு கச்சா எண்ணெயில் 30-40 சதவீத தள்ளுபடியை ரஷ்யா வழங்க மறுத்துள்ளது.
பாகிஸ்தான், டிசம்பர் 2: மாஸ்கோவில் நடந்த பேச்சுவார்த்தையின் போது, பாகிஸ்தான் தூதுக்குழுவினர் கச்சா எண்ணெயில் 30-40 சதவீத விலையைக் குறைக்கக் கோரியதைத் தொடர்ந்து, ரஷ்யா தள்ளுபடி வழங்க மறுத்துவிட்டது என்று தி நியூஸ் இன்டர்நேஷனல் வியாழக்கிழமை தெரிவித்துள்ளது.
முன்னதாக, புதன்கிழமையன்று பாக்கிஸ்தான் தூதுக்குழுவில் பெட்ரோலியம் துறை அமைச்சர் முசாதிக் மாலிக், மாஸ்கோவில் உள்ள பாகிஸ்தான் தூதரகத்தின் இணைச் செயலாளர் மற்றும் அதிகாரிகள் ஆகியோர் மாஸ்கோவில் நடந்த பேச்சுவார்த்தையின் போது தள்ளுபடி கேட்டனர். இப்போதைக்கு எதையும் வழங்க முடியாது என்று ரஷ்யா கூறியதுடன் பேச்சு வார்த்தை முடிவுக்கு வந்தது. பாகிஸ்தானின் கோரிக்கையை பரிசீலிப்பதாக ரஷ்யா உறுதியளித்ததாக தி நியூஸ் இன்டர்நேஷனல் செய்தி வெளியிட்டுள்ளது.
ஜியோ செய்திகளின்படி, பாகிஸ்தானின் அதிகாரப்பூர்வ பிரதிநிதிகள் நவம்பர் 29 அன்று மாஸ்கோவிற்கு மூன்று நாள் பயணமாக ரஷ்ய அதிகாரிகளுடன் பேசுவதற்காக, தள்ளுபடி விலையில் கச்சா எண்ணெயை இறக்குமதி செய்வதற்கான சாத்தியக்கூறுகள், கட்டணம் செலுத்தும் முறை மற்றும் ஏற்றுமதி செலவு பற்றி விவாதித்திருந்தனர். கராச்சியில் இருந்து பஞ்சாபின் லாகூர் வரை அமைக்கப்படவுள்ள பாகிஸ்தான் ஸ்ட்ரீம் கேஸ் பைப்லைனின் திட்டத்தை முதன்மைப்படுத்த பாகிஸ்தானை ரஷ்ய தரப்பு கேட்டுக் கொண்டது.
முன்னதாக, நவம்பர் 13 ஆம் தேதி, துபாயில் பாகிஸ்தான் முஸ்லீம் லீக் – நவாஸ் (பிஎம்எல்-என்) தொண்டர்கள் மத்தியில் உரையாற்றிய போது பாகிஸ்தான் நிதி அமைச்சர் இஷாக் டார், ரஷ்யாவின் எண்ணெய் வாங்குவதை அமெரிக்காவால் தடுக்க முடியாது என்றும், விரைவில் அதைச் செய்ய முடியும் என்று அவர் தெரிவித்ததாக தி எக்ஸ்பிரஸ் ட்ரிப்யூன் நாளிதழ் தெரிவித்துள்ளது. இந்நிலையில் ரஷ்யா தள்ளுபடி வழங்க மறுத்தது பாகிஸ்தானுக்கு பின்னடைவை ஏற்படுத்தும் என கூறப்படுகிறது.
