ரஜினிகாந்தின் அண்ணாத்த படம் 13 நாட்களில் உலகம் முழுவதும் ரூ.225 கோடி வசூலித்துள்ளது.
ரஜினி நடிப்பில் கால் நூற்றாண்டுக்குப் பிறகு தீபாவளி தினத்தில் வெளியான திரைப்படம் அண்ணாத்த, பல எதிர்பார்ப்புகளுக்கு மத்தியில் அண்ணாத்த திரைப்படம் 4-ஆம் தேதி திரைக்கு வந்தது.
விஸ்வாசம் படத்திற்கு பின் டைரக்டர் சிறுத்தை சிவா தற்போது ரஜினி நடித்த அண்ணாத்த படத்தை இயக்கி இருந்தார். ரஜினியுடன் நயன்தாரா, கீா்த்தி சுரேஷ், பிரகாஷ் ராஜ், குஷ்பு, மீனா, சூரி, சதீஷ் போன்றோர் நடித்து இருந்தார்கள். வெற்றி ஒளிப்பதிவு செய்துள்ள இந்தத் திரைப்படத்திற்கு இமான் இசையமைத்திருந்தார்.
https://twitter.com/ManobalaV/status/1460537327881646082
அண்ணாத்த உலகம் முழுவதும் 3000-க்கும் அதிகமான திரையரங்குகளில் வெளியாகியுள்ளது. குறிப்பாக, வெளிநாடுகளில் மட்டும் 1100 திரையரங்குகளில் வெளியாகி தமிழில் புதிய சாதனையை நிகழ்த்தியுள்ளது.
தமிழகத்தில் அதிகாலை சிறப்பு காட்சிகளுடன் கோலாகலமாக திரைக்கு வந்தத அண்ணாத்த பல விமர்சனங்களை பெற்றுள்ளது. அண்ணாத்த படம் 13 நாட்களில் உலகம் முழுவதும் ரூ.225 கோடி வசூலித்துள்ளது. பாக்ஸ் ஆபிஸ் முதல் வாரம் ரூ.202.47 கோடி வசூல் செய்தது. இதுவரை மொத்தம் 225.79 கோடி வசூல் செய்துள்ளது.
