ராமாயணா படக்குழு வெளியிட்டுள்ள அறிவிப்பில், “எங்கள் ‘ராமாயணம்’ (Ramayana) படைப்பிற்கு இன்று ஒரு மிகச் சிறப்பான தருணம். ‘சோனி பிக்சர்ஸ் என்டர்டெயின்மென்ட்’ (Sony Pictures Entertainment) உடனான எங்கள் கூட்டு முயற்சியின் மூலம், ராமாயணத்தை உலக அரங்கிற்குக் கொண்டு செல்லும் எனது கனவு இப்போது நனவாகியுள்ளது.
இதன் தொடர்ச்சியாக, எங்கள் திரைப்படத்தின் முன்னோட்டக் காட்சியை (trailer) விரைவில் உலகளவில் வெளியிடவுள்ளோம்.
இந்தியத் திரைப்பட வரலாற்றின் 100 ஆண்டுகளுக்கும் மேலான காலத்தில், இது ஒரு பெருமைக்குரிய தருணமாக அமையவுள்ளது; ஏனெனில், ஒரு பிரம்மாண்டமான ஹாலிவுட் திரைப்படத்தைப் போலவே ராமாயணமும் இனி உலகம் முழுவதும் திரையிடப்படவுள்ளது.
உலக மக்கள் நமது கலாச்சாரம் மற்றும் கதைகளின் சிறப்பை, புதியதொரு பெருமிதத்துடனும் உற்சாகத்துடனும் கண்டறிய இது வழிவகுக்கும் என்பதால், இது மிகவும் சிறப்பானதாக அமைகிறது.
இந்த முயற்சி சாத்தியமாவதற்குத் துணை நின்ற அனைத்து ரசிகர்களுக்கும், ராமாயணத்தின் மீது நம்பிக்கை கொண்டவர்களுக்கும் எனது நன்றியைத் தெரிவித்துக் கொள்கிறேன். நம் நாட்டின் இளைஞர்களே நமது எதிர்காலம்; எனவே, அந்த எதிர்காலத்தைப் பாதுகாத்திட நம்மால் இயன்ற சிறந்த முயற்சிகளை மேற்கொள்வோம்” என்று தெரிவிக்கப்பட்டுள்ளது.
பாலிவுட் இயக்குனர் நிதேஷ் திவாரி இயக்கத்தில், உருவாகி வரும் படம் ‘ராமாயணா’. 4 ஆயிரம் கோடி பட்ஜெட்டில் உருவாகும் இப்படத்தில் ராமராக ரன்பீர் கபூர், சீதையாக சாய் பல்லவி, ராவணனாக யஷ், கையேயியாக ஷோபனா, சூர்ப்பனகையாக ரகுல் ப்ரீத் ஆகியோர் நடிக்கிறார்கள்.
ஏ.ஆர். ரகுமான் இசையமைக்கும் இப்படம் இரண்டு பாகங்களாக வெளியாக உள்ளது. முதல் பாகம் வரும் தீபாவளிக்கு ரிலீஸ் ஆகிறது. இப்படத்தின் டிரெய்லர் இன்று (ஜூலை 24) தேதி வெளியாகும் என்று அறிவிக்கப்பட்ட நிலையில் தற்போது ஒத்திவைக்கப்பட்டுள்ளது.
