மாபெரும் வரவேற்பைப் பெற்றுள்ள விடுதலை திரைப்படத்தை இயக்கிய வெற்றிமாறனையும், கதாநாயகன் சூரியையும் நடிகர் ரஜினிகாந்த் பாராட்டியுள்ளார்.
வெற்றிமாறனின் இயக்கத்தில் சூரி, விஜய் சேதுபதி உள்ளிட்டோர் நடித்திருக்கும் திரைப்படம் ’விடுதலை’. ஜெயமோகனின் துணைவன் என்ற சிறுகதையை அடிப்படையாகக் கொண்டு இப்படம் உருவாக்கப்பட்டுள்ளது. இந்த கதை முழுமையாக சினிமா ரசிகர்களைச் சென்றடைய வேண்டும் என்று வெற்றிமாறன் விரும்பியதால் 2 பாகங்களாக இப்படத்தை வெளியிடுகிறார்.
கடந்த மார்ச் 31 ஆம் தேதி திரையரங்குகளில் விடுதலை திரைப்படம் வெளியானது. இதற்கு பல்வேறு தரப்பினரும் நேர்மறையான விமர்சனங்களையே தந்துள்ளனர். பல்வேறு அரசியல் கட்சித் தலைவர்களும், சினிமா பிரபலங்களும் பாராட்டு தெரிவித்துள்ளனர்.
இதையும் படியுங்கள் : கறிசோறுக்காக அடித்துக் கொண்ட தொண்டர்கள் – தெலங்கானா ஆளுங்கட்சி கூட்டத்தில் பரபரப்பு….
தமிழ் சினிமாவின் சூப்பர் ஸ்டார் என்றழைக்கப்படும் நடிகர் ரஜினிகாந்த், தமிழில் மட்டுமல்லாமல் தென்னிந்திய மொழிகளில் தரமான படைப்புகள் வெளியானால், அதனை கண்டு ரசித்து படக்குழுவினரை நேரில் வரவழைத்தோ, தொலைபேசி மூலம் தொடர்பு கொண்டோ வாழ்த்து தெரிவித்து பாராட்டுவது வழக்கம்.
அந்த வகையில், வசூலையும் வாழ்த்தையும் குவித்து வரும் விடுதலை திரைப்படத்தை பார்த்து ரசித்த ரஜினிகாந்த், இயக்குநர் வெற்றிமாறனையும் நடிகர் சூரியையும், நேரில் வரவழைத்து பாராட்டு தெரிவித்துள்ளார்.
