யோகிபாபு நடிக்கும் ஜோரா கைய தட்டுங்க திரைப்படத்தின் ஃபர்ஸ்ட் லுக் போஸ்டரை நடிகர் விஜய்சேதுபதி வெளியிட்டார்.
நகைச்சுவை நடிகராக அறிமுகமாகி தற்போது தமிழ் திரையுலகில் தனக்கென தனி இடத்தை பிடித்து வைத்திருப்பவர் நடிகர் யோகிபாபு. இவநகைச்சுவை மட்டுமின்றி ஹீரோவாகவும் பல படங்களில் நடித்து வருகிறார். இவர் நடித்த மண்டேலா, பொம்மை நாயகி, கோலமாவு கோகிலா போன்ற படங்கள் நல்ல வரவேற்பை பெற்றன. அதிலும் கோலமாவு கோகிலா படத்தில் வந்த கல்யாண வயசுதான் பாடல் ரசிகர்களிடையே மிகப்பெரிய வரவேற்பை இவருக்கு பெற்று தந்தது.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
இதனைத்தொடர்ந்து இவரது நடிப்பில் வெளிவந்த பல நகைச்சுவை கதாபாத்திரங்கள் மக்களை வெகுவாக கவர்ந்தது. தொடர்ந்து சமீபத்தில் வெளிவந்த அரண்மனை4, ரத்னம் போன்ற படங்களில் நடித்திருந்தார்.
இந்நிலையில் ஜோரா கைய தட்டுங்க என்னும் படத்தில் நடிக்கிறார். இப்படத்தை விநீஷ் மில்லினியம் இயக்குகிறார். வாமா எண்டர்டெயின்மென்ட் சார்பில் ஜாகிர் அலி இப்படத்தை தயாரிக்கிறார். இப்படத்தின் ஃபர்ஸ்ட் லுக் போஸ்டரை நடிகர் விஜய் சேதுபதி வெளியிட்டு படக்குழுவிற்கு தனது வாழ்த்தினை தெரிவித்துள்ளார்.
