மதராஸி படத்தை தொடர்ந்து சிவகார்த்திகேயன் நடிப்பில் உருவாகி உள்ள படம் ‘பராசக்தி’. சுதா கொங்கரா இயக்கும் இந்த படத்தில் அதர்வா, ஸ்ரீலீலா, ரவி மோகன் ஆகியோர் முக்கிய கதாபாத்திரங்களில் நடித்துள்ளனர். மேலும் இப்படத்திற்கு ஜி.வி. பிரகாஷ் குமார் இசையமைத்துள்ளார்.
டான் பிக்சர்ஸ் சார்பில் ஆகாஷ் பாஸ்கரன் தயாரித்துள்ள இப்படம் பொங்கல் பண்டிகையை முன்னிட்டு ஜன.10ம் தேதி வெளியாகும் என படக்குழு அறிவித்திருந்தது. ஆனால் பராசக்தி படத்திற்கு தணிக்கை சான்றிதழ் இன்னும் வழங்கப்படாததால் படம் குறித்த தேதிக்கு வெளியாகுமா என ரசிகர்கள் குழப்பத்தில் இருந்தனர். இந்நிலையில் பராசக்தி படத்திற்கு U/A சான்றிதழை மத்திய தணிக்கை வாரியம் வழங்கி உள்ளது. இதையடுத்து பராசக்தி திரைப்படம் நாளை திட்டமிட்டபடி வெளியாகிறது.
இந்த நிலையில் பராசக்தி திரைப்படத்தின் தணிக்கை சான்றிதழ் குறித்த விவரங்கள் வெளியாகியுள்ளன. தணிக்கைக்கு பின் இந்த படத்தின் மொத்த நேரம் 162.43 நிமிடங்களாகும். அதாவது இரண்டரை அல்லது இரண்டே முக்கால் மணி நேரம் இந்த படம் திரையிடப்படுகிறது. மேலும் பராசக்தி திரைப்படத்தில் மொத்தம் 25 மாற்றங்கள் செய்யப்பட்டுள்ளது. அவற்றில முக்கியமானவற்றை இங்கே காணலாம்.
* காட்சிகள் மற்றும் உரையாடல்களில் இடம்பெற்றுள்ள “தீ பரவட்டும்” என்ற வசனம் “நீதி பரவட்டும்” என மாற்றப்பட்டுள்ளது.
* “இந்தி அரக்கி” என்ற வார்த்தைகள் வரும் இடமெல்லாம் “அரக்கி” என்ற வார்த்தை மாற்றப்பட்டுள்ளது. மேலும் ”இந்தி அரக்கி” என்ற உருவப்படத்தை எரிக்கும் காட்சி நீக்கப்பட்டுள்ளது.
*குழந்தையுடன் உள்ள ஒரு தாயை துப்பாக்கியால் சுடும் காட்சியை நீக்கப்பட்டுள்ளது. .
* தீக்குளித்து தற்கொலை செய்யும் சம்பவத்தில் காட்சிகள் 50 சதவீதம் குறைக்கப்பட்டுள்ளன.
