இந்திய ரயில்வேயில் பட்டதாரி நிலை NTPC பணிகளுக்கு 3,548 காலிப்பணியிடங்கள் அறிவிப்பு வெளியாகியுள்ளது. இந்திய ரயில்வேயில் பட்டதாரி நிலை ஆட்சேர்ப்பின் கீழ், மத்தியப்படுத்தப்பட்ட வேலைவாய்ப்பு அறிவிப்பு (CEN) எண் 06/2026 மூலம், ரயில்வே ஆட்சேர்ப்பு வாரியங்கள் (RRBs) 3,548 காலிப்பணியிடங்களை அறிவித்துள்ளன. இந்தியாவின் மிகப்பெரிய பொதுச் சேவை அமைப்புகளில் ஒன்றான இந்திய ரயில்வேயில் பணியாற்றவும், அதன் செயல்பாடுகளுக்குப் பங்களிக்கவும் தகுதியுள்ள பட்டதாரிகளுக்கு இந்த ஆட்சேர்ப்பு வாய்ப்பளிக்கிறது.
இந்த ஆட்சேர்ப்பில் நான்கு வகையான பணிகள் இடம்பெற்றுள்ளன. அவை:
1. தலைமை வணிகம் மற்றும் டிக்கெட் மேற்பார்வையாளர் (Chief Commercial Cum Ticket Supervisor)
2. சரக்கு ரயில் மேலாளர் (Goods Train Manager)
3. இளநிலை கணக்குகள் உதவியாளர் மற்றும் தட்டச்சர் (Junior Accounts Assistant Cum Typist)
4. மூத்த எழுத்தர் மற்றும் தட்டச்சர் (Senior Clerk Cum Typist)
இந்தப் பணிகள் வணிகச் சேவைகள், ரயில் இயக்கம், கணக்குகள் மற்றும் நிர்வாகம் உள்ளிட்ட பல்வேறு பிரிவுகளில் வேலைவாய்ப்புகளை வழங்குகின்றன. நாடு முழுவதும் ரயில்வே சேவைகள் திறம்படச் செயல்படுவதற்கு இப்பணிகள் உதவுகின்றன. மொத்தமுள்ள 3,548 காலிப்பணியிடங்களில், 2,750 பணியிடங்கள் சரக்கு ரயில் மேலாளர் பதவிக்கு ஒதுக்கப்பட்டுள்ளன. இதற்கு அடுத்தபடியாக, மூத்த எழுத்தர் மற்றும் தட்டச்சர் பதவிக்கு 371 இடங்களும், இளநிலை கணக்குகள் உதவியாளர் மற்றும் தட்டச்சர் பதவிக்கு 300 இடங்களும், தலைமை வணிகம் மற்றும் டிக்கெட் மேற்பார்வையாளர் பதவிக்கு 127 இடங்களும் அறிவிக்கப்பட்டுள்ளன.
இந்தப் பணிகளுக்கு ஏழாவது மத்திய ஊதியக் குழுவின் அடிப்படையில் ஆரம்ப அடிப்படை ஊதியம் வழங்கப்படும். தலைமை வணிகம் மற்றும் டிக்கெட் மேற்பார்வையாளர்: ஊதிய நிலை 6-இன் கீழ் மாதம் ரூ.35,400 ஆரம்ப அடிப்படை ஊதியம், சரக்கு ரயில் மேலாளர்: ஊதிய நிலை 5-இன் கீழ் மாதம் ரூ.29,200 ஆரம்ப அடிப்படை ஊதியம், இளநிலை கணக்குகள் உதவியாளர் மற்றும் தட்டச்சர்: ஊதிய நிலை 5-இன் கீழ் மாதம் ரூ.29,200 ஆரம்ப அடிப்படை ஊதியம், மூத்த எழுத்தர் மற்றும் தட்டச்சர்: ஊதிய நிலை 5-இன் கீழ் மாதம் ரூ.29,200 ஆரம்ப அடிப்படை ஊதியம்.அனத்து பணிகளுக்கும், பொருந்தக்கூடிய இதர படிகள் மற்றும் பணிச்சேவை நிபந்தனைகள் தொடர்புடைய விதிமுறைகளின்படி நிர்ணயிக்கப்படும்.
ஆன்லைன் விண்ணப்பப் பதிவு 2026 அக்டோபர் 8-ஆம் தேதி தொடங்கியது. தகுதியுள்ள விண்ணப்பதாரர்கள் 2026 நவம்பர் 6-ஆம் தேதி இரவு 11.59 மணி வரை விண்ணப்பிக்கலாம்.
ஆன்லைனில் விண்ணப்பிக்கக் கடைசி நாள்: 6 நவம்பர் 2026
தேர்வுக் கட்டணம் செலுத்தக் கடைசி நாள்: 8 நவம்பர் 2026
விண்ணப்பத்தில் திருத்தம் செய்யும் காலம்: 9 நவம்பர் முதல் 18 நவம்பர் 2026 வரை
விண்ணப்பதாரர்கள் அங்கீகரிக்கப்பட்ட பல்கலைக்கழகத்தில் பட்டம் பெற்றிருக்க வேண்டும் அல்லது அதற்கு இணையான தகுதியைப் பெற்றிருக்க வேண்டும். மேலும், தேர்ந்தெடுக்கும் பதவிக்குரிய குறிப்பிட்ட தகுதி நிபந்தனைகளையும் பூர்த்தி செய்ய வேண்டும். 2027 ஜனவரி 1-ஆம் தேதியின்படி, வயது வரம்பு 18 முதல் 33 வயது வரை என அறிவிக்கப்பட்டுள்ளது. விதிகளின்படி தகுதியுள்ள பிரிவினருக்கு வயது வரம்பில் தளர்வுகள் வழங்கப்படும்.
தேர்வு நடைமுறையில் முதற்கட்ட கணினி வழித் தேர்வு (CBT), இரண்டாம் கட்ட கணினி வழித் தேர்வு (CBT), அதைத் தொடர்ந்து சான்றிதழ் சரிபார்ப்பு மற்றும் மருத்துவப் பரிசோதனை ஆகியவை, பொருந்தக்கூடிய விதிமுறைகளின்படி இடம்பெறும். விண்ணப்பதாரர்கள் விரிவான அறிவிப்பு, காலிப்பணியிடப் பகிர்வு, தகுதி நிபந்தனைகள் மற்றும் ஆட்சேர்ப்பு தொடர்பான புதுப்பிக்கப்பட்ட தகவல்களை அதிகாரப்பூர்வ ரயில்வே ஆட்சேர்ப்பு வாரிய இணையதளங்கள் மூலம் தெரிந்துகொள்ளலாம்.
• RRB அதிகாரப்பூர்வ இணையதளம்: https://rrb.indianrailways.gov.in
• ஆன்லைன் விண்ணப்ப இணையதளம்: https://www.rrbapply.gov.in
