என்.சி.எல் 2023 டி20 கிரிக்கெட் தொடரில், மன்னர் திருமலை நாயக்கர்
கல்லூரி 62 ரன்கள் வித்தியாசத்தில் பி.எஸ்.என்.ஏ கல்லூரியை வீழ்த்தி வெற்றி பெற்றது.
நியூஸ் 7 தமிழ் தொலைக்காட்சி சார்பில் என்.சி.எல் 2023 மண்டல அளவிலான டி20 கிரிக்கெட் தொடர் தமிழ்நாடு முழுவதும் 4 மண்டலங்களாக பிரிக்கப்பட்டு நடைபெற்று வருகிறது. அந்த வகையில், மதுரை மண்டலத்தில், மதுரை மன்னர் திருமலை நாயக்கர் கல்லூரி அணியும், திண்டுக்கல் பி.எஸ்.என்.ஏ கல்லூரி அணியும் மோதிக்கொண்டன.
இதையும் படியுங்கள் : NCL 2023 : சியா கலை மற்றும் அறிவியல் கல்லூரியை வீழ்த்தி எம்.எஸ்.எஸ் வக்பு போர்டு கல்லூரி வெற்றி
இதில், டாஸ் வென்ற மன்னர் திருமலை நாயக்கர் கல்லூரி பேட்டிங்கை தேர்வு செய்தது. அதன்படி முதலில் களமிறங்கிய அந்த அணி 20 ஓவர்களில் அனைத்து விக்கெட்டுகளையும் இழந்து 160 ரன்கள் எடுத்தது.
இதனைத் தொடர்ந்து, 161 ரன்கள் எடுத்தால் வெற்றி என்ற இலக்குடன் களமிறங்கிய பி.எஸ்.என்.ஏ கல்லூரி, 20 ஓவர்கள் முடிவில் 8 விக்கெட்டுகளை இழந்து 98 ரன்கள் மட்டுமே எடுத்தது. இதன்மூலம் 62 ரன்கள் வித்தியாசத்தில் மன்னர் திருமலை நாயக்கர்
கல்லூரி வெற்றி பெற்றது. ஆட்டநாயகனாக 36 ரன்கள் மற்றும் 2 விக்கெட்டுகள் எடுத்த மன்னர் திருமலை நாயக்கர் கல்லூரியின் கோபிநாத் தேர்வு செய்யப்பட்டார்.
