என்.சி.எல் 2023 கிரிக்கெட் தொடரில், பி.எம்.டி கல்லூரியை 5 விக்கெட்டுகள் வித்தியாசத்தில் வீழ்த்தி கே.எல்.என் பொறியியல் கல்லூரி வெற்றி பெற்றது.
செய்தித் தொலைக்காட்சி வரலாற்றில் முதல்முறையாக, நியூஸ்7 தமிழ் தொலைக்காட்சி சார்பில் நடத்தப்படும் கல்லூரிகளுக்கு இடையேயான NCL 2023 (NEWS 7 TAMIL CRICKET LEAGUE 2023) T20 கிரிக்கெட் தொடரின் முதல் சீசன் இன்று கோலாகலமாக தொடங்கியது. இத்தொடர் வரும் ஏப்ரல் 12 ஆம் தேதி வரை நடைபெறுகிறது. கோவை, திருச்சி, மதுரை மற்றும் நெல்லை ஆகிய 4 மண்டலங்களில் இருந்து தலா 8 அணிகள் வீதம் 32 அணிகள் இந்த டி-20 தொடரில் பங்கேற்று விளையாடி வருகின்றன.
இதையும் படியுங்கள் : NCL 2023 : பொள்ளாச்சி PA பொறியியல் கல்லூரியை வீழ்த்தி கோவை சுகுணா கல்லூரி த்ரில் வெற்றி
மதுரை மண்டலத்தில் இன்று நடைபெற்ற முதல் லீக் போட்டியில், தியாகராசர் பொறியியல் கல்லூரியை 64 ரன்கள் வித்தியாசத்தில் வீழ்த்தி சவுராஷ்ட்ரா கல்லூரி அணி அபார வெற்றி பெற்றது. இதையடுத்து நடைபெற்ற இரண்டாவது லீக் போட்டியில், கே.எல்.என் பொறியில் கல்லூரி மற்றும் பி.எம்.டி கல்லூரி மோதின.
இதில் டாஸ் வென்ற பி.எம்.டி கல்லூரி பேட்டிங்கை தேர்வு செய்தது. அதன்படி முதலில் களமிறங்கிய பி.எம்.டி கல்லூரி 20 ஒவர்கள் முடிவில் 7 விக்கெட்களை இழந்து 121 ரன்கள் குவித்தது. இதையடுத்து 122 ரன்கள் எடுத்தால் வெற்றி என்ற இலக்குடன் களமிறங்கிய கே.எல்.என் பொறியியல் கல்லூரி 19.5 ஓவர்களில் இலக்கை எட்டியது.
இதன்மூலம் 5 விக்கெட்டுகள் வித்தியாசத்தில் பி.எம்.டி கல்லூரியை வீழ்த்தி கே.எல்.என் பொறியியல் கல்லூரி வெற்றி பெற்றது. இப்போட்டியில், 2 விக்கெட்டுகள் மற்றும் 23 ரன்கள் எடுத்த கே.எல்.என் பொறியியல் கல்லூரியின் ரவிசந்திரன் ஆட்டநாயகனாக தேர்வு செய்யப்பட்டார்.
