ஐபிஎல் 2023 கிரிக்கெட் தொடரில், சன்ரைசர்ஸ் ஹைதராபாத் அணியை 14 ரன்கள் வித்தியாசத்தில் வீழ்த்தி மும்பை இந்தியன்ஸ் அணி வெற்றி பெற்றது.
ஐபிஎல் தொடரின் 16வது சீசன் கோலாகலமாகத் தொடங்கி நடைபெற்று வருகிறது. மொத்தம் 10 அணிகள் பங்கேற்றுள்ள இந்த தொடரில், ஒவ்வொரு அணியும் போட்டிகளில் வெற்றி பெற தீவிரம் காட்டி வருகின்றன. அந்த வகையில், ஹைதராபாத்தில் உள்ள ராஜீவ் காந்தி சர்வதேச மைதானத்தில் நேற்று நடைபெற்ற ஆட்டத்தில், சன்ரைசர்ஸ் ஹைதராபாத் அணியுடன் மும்பை இந்தியன்ஸ் அணி மோதியது.
இதில் டாஸ் வென்ற ஹைதராபாத் அணி பந்துவீச்சை தேர்வு செய்தது. அதன்படி முதலில் களமிறங்கிய மும்பை இந்தியன்ஸ் அணி, 20 ஓவர்கள் முடிவில், 5 விக்கெட் இழப்பிற்கு 192 ரன்கள் குவித்தது. அதிகபட்சமாக கேமரூன் க்ரீன் 40 பந்துகளில் 64 ரன்கள் விளாசினார்.
இதையும் படியுங்கள் : ஆர்சிபி வீரர் விராட் கோலிக்கு அபராதம் விதித்த பிசிசிஐ..!
இதையடுத்து 193 ரன்கள் எடுத்தால் வெற்றி என்ற இலக்குடன் களமிறங்கிய சன்ரைசர்ஸ் ஹைதராபாத் அணி, 19.5 ஓவர்கள் முடிவில் அனைத்து விக்கெட்டுகளையும் இழந்து 178 ரன்கள் மட்டுமே எடுத்தது. இதன்மூலம் 14 ரன்கள் வித்தியாசத்தில் மும்பை அணி வெற்றி பெற்றது. மேலும் இந்த சீசனில் ஹாட்ரிக் வெற்றி பெற்றுள்ள மும்பை இந்தியன்ஸ் அணி, புள்ளிப் பட்டியலில் 6வது இடத்திற்கு முன்னேறியுள்ளது.
