நாடாளுமன்ற மழைக்கால கூட்டத்தொடர் இன்று தொடங்குகிறது. இதனையொட்டி பிரதமர் மோடி ஊடகங்களுக்குப் பேட்டியளித்தார். அப்போது அவர் பேசியதாவது:
மழைக்காலமாக இருந்தாலும் சரி, மழைக்காலக் கூட்டத்தொடராக இருந்தாலும் சரி, இரண்டுமே முன்கூட்டியே செயல்பட்டால், அவை மிகவும் பயனுள்ளதாக அமையும். அது தேசத்தின் நலனுக்கும் அனைத்து உயிரினங்களின் நல்வாழ்விற்கும் வழிவகுக்கிறது. அதனால்தான், மழைக்காலம் முன்கூட்டியே செயல்படுவதாகவும் பயனுள்ளதாகவும் இருக்க வேண்டும் என்றும், மழைக்காலக் கூட்டத்தொடரும் பயனுள்ளதாக அமைய வேண்டும் என்றும் நாங்கள் பிரார்த்திக்கிறோம். அந்த வளர்ச்சியின் உத்வேகம் நமது நாடாளுமன்றக் கூட்டத்தொடருக்கு ஊக்கமளிக்கட்டும்.
ஒரே மாதத்தில், தேசம் எண்ணற்ற மைல்கற்களை எட்டியுள்ளது. இவை ஒவ்வொரு குடிமகனையும் பெருமையடையச் செய்யும் தொடர்ச்சியான சாதனைகள். உண்மையிலேயே இந்தியாவிற்குப் பெருமைக்குரிய தருணங்களாக அமைந்துள்ளன.
கடந்த ஆண்டு பருவமழைக் காலக் கூட்டத்தொடருக்குச் சற்று முன்பு, ஒரு இந்தியக் குடிமகன் சர்வதேச விண்வெளி நிலையத்தை அடைந்தார். அதேபோல், மிகச் சமீபத்தில் ஒரு இளம் இந்திய ஸ்டார்ட்அப் நிறுவனம் ஒரு மகத்தான சாதனையைப் படைத்தது. உலகில் மிகச் சில நாடுகளே இத்தகைய தனியார் நிறுவனங்களின் செயல்பாட்டைக் கண்டுள்ளன. இந்தியாவின் இளைஞர்கள் விண்வெளியை நோக்கி ஒரு புதிய பயணத்தைத் தொடங்கியுள்ளனர். இது ஒரு மிகப்பெரிய வெற்றியாகும். உலக அரங்கில் இந்தியாவின் பிம்பம் பரவலான அங்கீகாரத்தையும் வரவேற்பையும் பெற்று வருகிறது. இது தற்செயலாக நிகழ்ந்தது அல்ல
ஸ்கைரூட்’ ஸ்டார்ட்அப் நிறுவனத்தில் பணியாற்றும் ஒட்டுமொத்தக் குழுவின் சராசரி வயது வெறும் 28 ஆண்டுகள் மட்டுமே என்று என்னிடம் கூறப்பட்டது. இது போன்ற இளைஞர்களே இந்தச் சாதனையை நிகழ்த்தியுள்ளனர். நான் 56 வயதுடைய ‘இளைஞரைப்’ பற்றிப் பேசவில்லை.
