பான்-இந்தியா நடிகர்களில் ஒருவர் பிரபாஸ். இவர் நடிப்பில் வெளியான பாகுபலி 1 & 2, சலார், கல்கி ஆகிய திரைப்படங்கள் இந்திய அளவில் வசூலை வாரி குவித்தன. மேலும் உலக அளவிலும் பிரபாஸுக்கு புகழை தேடித் தந்தன.
இதனிடையே நடிகர் பிரபாஸ், அனிமல் பட இயக்குநரான சந்தீப் ரெட்டி வாங்கா இயக்கத்தில் ”ஸ்பிரிட்” படத்திலும், மாருதி தசாரி இயக்கத்தில் ’ராஜ சாப்’ படத்திலும் நடித்து வருகிறார்.
இதில் ராஜா சாப் திரைப்படம் ஜனவரி 9 ஆம் தேதி வெளியாகிறது. ஹாரர் ஃபாண்டசி ஜானரில் உருவாகி வரும் இப்படத்தில் பிரபாஸுடன் சேர்ந்து சஞ்சய் தத், போமன் இரானி, மாளவிகா மோகனன், நிதி அகர்வால், ரித்தி குமார், ஜரீனா வஹாப் ஆகியோர் நடிக்கின்றனர். மேலும் இப்படத்திற்கு தமன் இசையமைக்கிறார்.
இந்த நிலையில் ராஜாசாப் திரைப்படத்தின் மாளவிகா மோகன் நடிக்கும் கதாபாத்திரத்தின் புதிய போஸ்டரை படக்குழு வெளியிட்டுள்ளது. அதில் படத்தில் மாளவிகா மோகனின் கதாப்பாத்திரத்தின் பெயர் ’பைரவி’ என்று குறிப்பிடப்பட்டுள்ளது.
