சதுரங்க வேட்டை, தீரன் அதிகாரம் ஒன்று, நேர்கொண்ட பார்வை, வலிமை மற்றும் துணிவு படங்களை இயக்கிய எச்.வினோத் அடுத்ததாகக் கமலின் அடுத்த படத்தை இயக்கவுள்ளதாகத் தகவல் வெளியாகியுள்ளது.
ஷங்கர் இயக்கத்தில் கமல்ஹாசன் நடித்து வந்த ‘இந்தியன் 2’ படம் விபத்து உள்ளிட்ட காரணங்களால் பாதியில் நின்றது. கமலின் ‘விக்ரம்’ மிகப்பெரிய வெற்றியைப் பெற்றதால் தற்போது ‘இந்தியன் 2’ படத்தை மீண்டும் தொடங்கியுள்ளனர். ரத்னவேலு, ரவிவர்மன் ஒளிப்பதிவில், ஸ்ரீகர் பிரசாத் படத்தொகுப்பில் உருவாகியுள்ள இந்த படத்தை லைகா மற்றும் ரெட் ஜெயண்ட் மூவீஸ் நிறுவனங்கள் தயாரிக்கின்றன.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
இந்தியன் 2 படப்பிடிப்பு Taipei நாட்டில் நடந்து வந்ததை அடுத்து, தென்னாப்பிரிக்கா நாட்டில் ஒரு சண்டைக்காட்சி படமாக்கப்பட்டு வந்தது. அதை தொடர்ந்து படத்தின் கிளைமாக்ஸ் ஷூட்டிங் சென்னையில் விறுவிறுப்பாக நடைபெற்று வரும் நிலையில் படப்பிடிப்பு தளத்தில் இயக்குநர் ஷங்கர் மற்றும் இசையமைப்பாளர் அனிருத் இருவரும் இணைந்து படத்திற்கான இசையை உருவாக்கி வரும் வீடியோ அண்மையில் வெளியாகி இணையத்தில் வைரலானது.
இப்படத்திற்கு பிறகு கமல், மணிரத்னம் இயக்கத்தில் ‘கேஎச்234’ படத்தில் நடிக்கவுள்ளதாகவும் இப்படத்தின் திரைக்கதை பணிகள் முடிந்து விட்டதாகவும் படப்பிடிப்பு வருகிற ஆகஸ்ட் மாதம் தொடங்கப்படவுள்ளதாகவும் சினிமா வட்டாரங்கள் தெரிவிக்கின்றன.
இந்நிலையில், கமல்ஹாசன் அடுத்ததாக தனது 233 ஆவது படத்தில் எச். வினோத்துடன் இணையவுள்ளார். அஜித்துடன் தொடர்ந்து 3 படங்களை இயக்கிய நிலையில் கமலுடன் எச்.வினோத் இணையவுள்ள படத்தின் மீது எதிர்பார்ப்பு அதிகம் காணப்படுகிறது. எச். வினோத், கமல் இருக்கும் புகைப்படங்கள் வெளியாகி சோஷியல் மீடியாவில் படு வேகமாக வைரலாகி வருகிறது.
முதற்கட்டமாக கமல்ஹாசன் பாரம்பரிய நெல் விவசாயிகளை இருவரும் சந்தித்து உரையாடினர். அவருடன் இயக்குனர் வினோத்தும் இருந்துள்ளார். இதன் காரணமாக ‘KH 233’ படத்தை எச். வினோத் இயக்கவுள்ளது உறுதியாகியுள்ளது. இதை தொடர்ந்து வெளியான புகைப்படங்கள் தற்போது சமூக வலைதளங்களில் சினிமா ரசிகர்களால் அதிகம் பகிரப்பட்டு வருகிறது.
