ஜெயிலர் படத்தில் பெரிதும் சிறப்பு பெற்ற சிறப்பு கதாபாத்திரத்தில் நடித்த கன்னட நடிகர் சிவராஜ் குமார் சமூக வலைதளங்களில் பெரிதும் பேசப்பட்டு வருகிறார்.
நெல்சன் திலீப் குமார் இயக்கத்தில் ரஜினிகாந்த் நடித்துள்ள ஜெயிலர் திரைப்படம் கடந்த 10ம் தேதி உலகம் முழுவதும் வெளியானது. தமிழகத்தை பொறுத்தவரை 900 மேற்பட்ட திரையரங்குகளில் வெளியானது. உலகம் முழுவதும் 4000 திற்கும் அதிகமான திரையரங்குகளில் இப்படம் வெளியானது.
ரஜினிகாந்த் மற்றும் ரம்யா கிருஷ்ணன் இணைந்து நடித்த “படையப்பா” திரைப்படம் பெரிய வரவேற்பு பெற்று இன்று வரை பேசப்படுகிறது. 24 ஆண்டுகளுக்கு பின் “ஜெயிலர்” திரைப்படத்தில் ரஜினி மற்றும் ரம்யா கிருஷ்ணன் இணைந்து நடித்துள்ளது ரசிகர்கள் மத்தியில் பெரும் எதிர்பார்ப்பை ஏற்படுத்தி உள்ளது.
மேலும், தென்னிந்திய முன்னணி நடிகர்களான மோகன்லால், சுனில், சிவராஜ் குமார், ஜாக்கி ஷெராஃப், தமன்னா, யோகிபாபு உள்ளிட்ட பல்வேறு பிரபலங்கள் இணைந்து இந்த படம் உருவாகி உள்ளது. ஜெயிலர் படத்திற்கு அனிருத் இசையமைத்துள்ளார். இதனை சன் பிக்சர்ஸ் நிறுவனம் கலாநிதி மாறன் தயாரித்துள்ளார். ஜெயிலர் படத்தில் ரஜினிக்குப் பிறகு ஷிவ ராஜ்குமாருக்கு ரசிகர்களிடையே அமோக வரவேற்பு உள்ளது.
இவர் படத்தில் ஒரு சில காட்சிகளில் மட்டுமே வந்தாலும், வரும் சில காட்சிகளில் மாஸ் காட்டியதாக ரசிகர்கள் வட்டாரம் தெரிவித்துள்ளது. இந்த பாராட்டுக்கெல்லாம் நன்றி தெரிவிக்கும் விதமாக விடியோ நடிகர் சிவராஜ் குமார் வெளியிட்டார். நேற்று இந்த வீடியோ சமூகவலைதளங்களில் வைரலானது.
தொடர்ந்து சிவராஜ் குமாரின் நடிப்பிற்கு ரசிகர்கள் பெரும் வரவேற்பு அளித்து வருகின்றனர். மேலும் பெரிய அளவிலான பாராட்டுகள் சமூக வலைதலங்களில் அவருக்கு கிடைத்து கொண்டிருக்கிறது. “அனைத்து விதமான அன்பிற்கும் உரித்தானவர்” என ரசிகர்கள் சமூக வலைதளங்களில் கருத்து தெரிவித்து வருகின்றனர்.
