முக்கியச் செய்திகள் தமிழகம்

பாம்பன் பாலத்தில் அரசு பேருந்துகள் நேருக்கு நேர் மோதி விபத்து

பாம்பன் பாலத்தில் அரசு பேருந்துகள் நேருக்கு நேர் மோதி விபத்துக்குள்ளானதில் ஓட்டுனர் உட்பட 20க்கும் மேற்பட்ட பயணிகள் காயமடைந்துள்ளனர்.

ராமநாதபுரம் மாவட்டம் ராமேஸ்வரம் பேருந்து நிலையத்திலிருந்து அரசு பேருந்து
ஒன்று மதுரையை நோக்கிச் சென்றது. இந்த பேருந்து சரியாக பாம்பன் பாலத்தில்
சென்று கொண்டிருந்த போது கட்டுப்பாட்டை இழந்துள்ளது. உடனடியாக அந்த பேருந்தின்
ஓட்டுனர் வாகனத்தை நிறுத்துவதற்கு பிரேக் பிடித்துள்ளார். ஆனால் நேற்று இரவு
முழுவதும் பெய்த கனமழை காரணமாக பாம்பன் பாலத்தில் மழைநீர் தேங்கி நின்றதால்
பேருந்து ஓட்டுனர் பிரேக் பிடித்தும் பேருந்து நிற்காமல் சென்றது.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்


இதனால் எதிரே ராமேஸ்வரம் நோக்கி வந்த மற்றொரு அரசு பேருந்து மீது நேருக்கு நேர் மோதி விபத்துக்குள்ளானது. இதில் அரசு பேருந்து ஓட்டுனர்கள் படுகாயமடைந்தனர். மேலும் பேருந்தில் பயணம் செய்த 20க்கும் மேற்பட்ட பயணிகள் காயமடைந்தனர்.

இதுகுறித்து தகவல் அறிந்த பாம்பன் போலீசார், உடனடியாக சம்பவ இடத்திற்கு விரைந்து சென்று விபத்தில் சிக்கியவர்களை மீட்டு சிகிச்சைக்காக ராமநாதபுரம் மற்றும் ராமேஸ்வரம் அரசு மருத்துவமனைக்கு அனுப்பி வைத்தனர். பாம்பன் பாலத்தில் ஏற்பட்ட இந்த விபத்தால் போக்குவரத்து நெரிசல் ஏற்பட்டது. உடனடியாக போலீசார் போக்குவரத்தை சீர் செய்தனர். இந்த விபத்து குறித்து பாம்பன் போலீசார் வழக்கு பதிவு செய்து விசாரணை நடத்தி வருகின்றனர்.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

திருவண்ணாமலையில் வீட்டில் 3,000-க்கும் அதிகமான விநாயகர் சிலைகள் வைத்து வழிபாடு!

Web Editor

மாற்றுத்திறனாளிகளுக்கும் அனைத்து உரிமைகளும் உள்ளது-ஆளுநர் ரவி

Web Editor

ஓசி என பேசியதற்கு வருத்தம் தெரிவித்த அமைச்சர் பொன்முடி

EZHILARASAN D