தங்கம் மற்றும் வெள்ளி விலைகள் தொடர்ந்து ஏற்ற இறக்கங்களை சந்தித்து வருகின்றன. சர்வதேச சந்தை நிலவரம், அமெரிக்க டாலரின் மதிப்பு உள்ளிட்ட பல்வேறு காரணங்களால் தினசரி விலையில் மாற்றங்கள் ஏற்படுகின்றன. இதனிடையே நேற்று தங்கம் விலை கிராமுக்கு ரூ.235-ம் சவரனுக்கு ரூ.1880-ம் குறைந்து, ஒரு கிராம் ரூ.11,980 க்கும், ஒரு சவரன் ரூ.95,840-க்கும் விற்பனை செய்யப்பட்டது.
இந்த நிலையில் இன்று (நவம்பர் 20) ஆபரணத் தங்கம் விலையில் கடும் வீழ்ச்சி ஏற்பட்டுள்ளது. அதன்படி, சென்னையில் ஆபரணத் தங்கத்தின் விலை கிராமுக்கு ரூ.470 குறைந்து ஒரு கிராம் தங்கம் ரூ.11,510-க்கும், சவரனுக்கு ரூ.3760 குறைந்து ஒரு சவரன் ரூ.92,080-க்கு விற்பனையாகிறது. கடந்த 11 நாட்களில் மட்டும் ஆபரணத் தங்கத்தின் விலை ஒரு சவரனுக்கு ரூ.13,960 குறைந்துள்ளது.
வெள்ளி விலையும் தொடர்ந்து சரிந்து வரும் நிலையில், இன்று வெள்ளி விலை மேலும் குறைந்துள்ளது. அதன்படி, இன்று வெள்ளி ஒரு கிராமுக்கு ரூ.5-ம், கிலோவுக்கு ரூ.5000 குறைந்து, ஒரு கிராம் ரூ.175-க்கும், ஒரு கிலோ ரூ.1.75 லட்சத்துக்கும் விற்பனை செய்யப்படுகிறது.
ஆபரணத் தங்கத்தின் விலை தொடர்ந்து குறைந்து வருவது புதிதாக நகைவாங்குவோருக்கு மகிழ்ச்சியையும், தங்கத்தை அடகு வைத்துள்ளோருக்கு கலக்கத்தையும் ஏற்படுத்தியுள்ளது.




