வணிக பயன்பாட்டிற்கான கேஸ் சிலிண்டர் விலையை ரூ.36.50 காசுகள் குறைத்து எண்ணெய் நிறுவனங்கள் அறிவித்துள்ளன.
சென்னையில் வணிக பயன்பாட்டிற்கான 19 கிலோ கேஸ் சிலிண்டர் விலை 2 ஆயிரத்து 177 ரூபாய் 50 காசுகளுக்கு விற்பனை செய்யப்பட்டு வந்தது. இந்நிலையில், சென்னையில் வணிக பயன்பாட்டிற்கான கேஸ் சிலிண்டர் விலையை இன்று எண்ணெய் நிறுவனங்கள் சற்று குறைத்துள்ளன.
அதன்படி, 19 கிலோ எடைகொண்ட சிலிண்டருக்கு 36 ரூபாய் 50 காசுகள் குறைக்கப்பட்டு உள்ளது. இதனால், சென்னையில் 19 கிலோ எடை கொண்ட வணிகபயன்பாட்டிற்கான கேஸ் சிலிண்டர் விலை 2 ஆயிரத்து 141 ரூபாய்க்கு விற்பனை செய்யப்படுகிறது. அதேவேளை, வீட்டு உபயோக கேஸ் சிலிண்டர் விலையில் மாற்றம் இல்லாமல் சிலிண்டர் ஒன்று 1068 ரூபாய் 50 காசுகளுக்கு விற்பனை செய்யப்படுகிறது.
கடந்த ஜூலை மாதம் வணிக பயன்பாட்டிற்கான கேஸ் விலையை ரூ.187 குறைத்து எண்ணெய் நிறுவனங்கள் அறிவித்தது. கடந்த மாதம் மட்டும் 2 முறை வணிக பயன்பாட்டிற்கான எரிவாயு சிலிண்டர் விலையை எண்ணெய் நிறுவனங்கள் குறைத்துள்ளன என்பது குறிப்பிடத்தக்கது.
