கோல்டன் குளோப் 2022-வின் சிறந்த துணை நடிகருக்கான விருதை ஸ்குவிட் கேம் சீரீஸில் நடித்த ஓ யோங்-சு பெற்று சாதனை படைத்துள்ளார்.
கடந்த செப்டம்பர் 17-ம் தேதி தென்கொரியாவின் சிரன் பிக்சர்ஸ் தயாரிப்பில் ‘ஸ்குவிட் கேம்’ சீரீஸ் நெட்பிளிக்ஸில் வெளியானது. இந்த சீரீஸ் வெளியாகி உலகம் முழுவதும் பெறும் வரவேற்பைப் பெற்றது. இதில் Player 001 என்ற மிக முக்கியமான துணை காதாப்பாத்திரத்தில் 77 வயதான நடிகர் ஓ யோங்-சு நடித்திருக்கிறார். இவர் தனது எதார்த்தமான நடிப்பால் பலரின் மனங்களிலும் நீங்கா இடம்பெற்றார்.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
இவரின் இந்த திறமையை அங்கீகரிக்கும் வகையில் தற்போது கோல்டன் குளோப் 2022-வின் சிறந்த துணை நடிகருக்குகான விருது வழங்கப்பட்டது. ஆஸ்காருக்கு அடுத்தப்படியாக மிக முக்கியமான விருதாக கோல்டன் குளோப் கருதப்படுகிறது. இந்நிலையில், கோல்டன் குளோப் விருதை பெற்ற முதல் கொரியன் நடிகர் இவர் என்ற பெருமையையும் ஓ யோங்-சு பெற்றுள்ளார். சாதனைகள் படைப்பதற்கு வயது ஒரு தடை இல்லை என ஓ யோங்-சு நிரூபித்திருப்பதாக பலரும் இவரைப் பாராட்டி வருகின்றனர்.
கோல்டன் குளோப் விருதுக்கான ’சிறந்த தொடர்’ பட்டியலில் ஸ்குவிட் கேம் சீரீஸ் இடம்பெற்றிருந்ததை அடுத்து, அந்த விருதை ’பெல்ஃபாஸ்ட்’ தொடர் வென்றது குறிப்பிடத்தக்கது.
