மேற்கு வங்கத்தில் வாகனங்களை துவம்சம் செய்த யானை – தெறித்து ஓடிய மக்கள்!

மேற்கு வங்கத்தில் ஒரு யானை வாகனங்களை துவம்சம் செய்யும் வீடியொ ஒன்று இணையத்தில் வைரலாகி வருகிறது. 

மேற்கு வங்க மாநிலம் ஹூக்ளி மாவட்டத்தில் யானை ஒன்று அட்டகாசம் செய்யும் வீடியோ சமூக வலைதளங்களில் வைரலாகி வருகிறது.  குடியிருப்புக்கு வெளியே உள்ள சிசிடிவி கேமராவில் பதிவான காட்சிகளில், மேற்கு வங்காளத்தின் ஆரம்பாக் பகுதியில் உள்ள ஒரு மருத்துவக் கடைக்கு வெளியே ஏராளமானோர் வரிசையாக நிற்பதைக் காட்டுகிறது.

திடீரென பெரும் சலசலப்பு ஏற்பட்டு மக்கள் அங்கிருந்து கலைந்து சென்றனர். யானை கடையை நோக்கிச் சென்று, கடைக்கு வெளியே நிறுத்தப்பட்டிருந்த ஸ்கூட்டரை மிதித்து விட்டுச் சென்றது.

https://twitter.com/Fun_Viral_Vids/status/1633827877723721729?s=20

வாழிட இழப்பு, மனித-யானை மோதல், வேட்டையாடுதல் போன்ற பல்வேறு காரணங்களால் யானைகள் சில நேரங்களில் மனிதர்களை நோக்கி ஆக்ரோஷமாக மாறலாம். அவற்றின் இயற்கையான வாழ்விடங்கள் சுருங்குவதால், யானைகள் உணவு மற்றும் தண்ணீரைத் தேடி மனித குடியிருப்புகளுக்கு அடிக்கடி அலைகின்றன.

மனிதர்களின் இருப்பு மற்றும் அவற்றின் செயல்பாடுகளான பயிர் சாகுபடி மற்றும் உள்கட்டமைப்பு மேம்பாடு போன்றவை யானைகளுக்கும் மனிதர்களுக்கும் இடையே மோதல்களுக்கு வழிவகுக்கும். யானைகள் தங்கள் குட்டிகளுக்கு அச்சுறுத்தலை உணரும் போது அல்லது ஆண் யானைகள் மிகவும் ஆக்ரோஷமாகவும் கணிக்க முடியாத நிலையிலும் இருக்கும் போது, ​​யானைகள் ஆக்ரோஷமாக இருக்கலாம் என வல்லுநர்கள் தெரிவிக்கின்றனர்.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.