இந்தியன் 2 படப்பிடிப்பு குறித்து இயக்குநர் ஷங்கர் புதிய தகவலை தனது ட்விட்டர் பக்கத்தில் பகிர்ந்துள்ளார்.
இயக்குநர் ஷங்கர் இயக்கத்தில் கமல்ஹாசன் நடித்துவந்த இந்தியன் 2 படம் விபத்து உள்ளிட்ட காரணங்களால் பாதியில் நின்றது. கமலின் ‘விக்ரம்’ மிகப்பெரிய வெற்றியைப் பெற்றதால் தற்போது ‘இந்தியன் 2’ படத்தை மீண்டும் தொடங்கியுள்ளனர்.
சங்கர் ஒரே நேரத்தில் இந்தியன் 2 மற்றும் ராம் சரண் நடிப்பில் உருவாகும் Game Changer படத்தை இயக்கி வருகின்றார். இந்நிலையில் இந்தியன் 2 படப்பிடிப்பு புகைப்படங்கள் அவ்வப்போது வெளியாகி படத்தின் மீதான ஆவலைத் தூண்டி வருகிறது.
இந்தியன் 2 படப்பிடிப்பு Taipei நாட்டில் நடந்து வந்ததை அடுத்து, தென்னாப்பிரிக்கா நாட்டில் ஒரு சண்டைக்காட்சி படமாக்கப்பட்டு வந்தது. இந்நிலையில் தென் ஆப்பிரிக்கா நாட்டில் நடந்து வந்த அந்த படப்பிடிப்பும் முடிவுக்கு வந்துள்ளதாக படத்தின் இயக்குநர் ஷங்கர் தெரிவித்துள்ளார்.
Thank you for this power-packed Schedule @ikamalhaasan sir 🔥 See you again in May! Will be moving from #Indian2Gamechanger for the climax!!! pic.twitter.com/J7WGmzCuxb
— Shankar Shanmugham (@shankarshanmugh) April 18, 2023
இயக்குநர் சங்கர் தனது ட்விட்டர் பக்கத்தில் இது குறித்த தகவலை வெளியிட்டுள்ளார். அதில் ” இத்தனை தீவிரமான படப்பிடிப்பிற்கு நன்றி கமல் சார். நாம் மீண்டும் மே மாதத்தில் இந்தியன் 2 கிளைமேக்ஸ் படப்பிடிப்பில் சந்திப்போம்” எனத் தெரிவித்துள்ளார்.
