முக்கியச் செய்திகள் உலகம் செய்திகள்

குறிப்பிட்ட பருவக்காலத்தில் ஏற்படும் தொற்றாக கோவிட் -19 மாற வாய்ப்பு: ஐநா

பல காலங்களுக்கு கோவிட் நீடித்தால் அது குறிப்பிட்ட பருவக்காலத்தில் ஏற்படும் நோய்தொற்றாக மாற வாய்ப்புள்ளது என்று ஐநா எச்சரித்துள்ளது.

2019-ம் ஆண்டு இறுதியில் சீனாவின் வுகான் பகுதியில் பரவத்தொடங்கிய கோவிட்- 19 நோய் தொற்றுக்கு சர்வதேச அளவில் 27 லட்சம் பேர் உயிரிழந்துள்ளனர். இத்தொற்று பரவத்தொடங்கியதில் இருந்து உலக நாடுகள் கோவிட் -19 வைரஸ் பற்றியும் வைரஸ் எப்படி பரவுகிறது என்பது பற்றியும் பல ஆய்வுகளை மேற்கொண்டு வருகின்றன. கொரோனா பரவலுக்கு வானிலை காரணிகள் முக்கிய காரணமாக இருக்கலாம் என்பது தொடர்பாக ஐநா ஒரு குழு அமைத்து ஆய்வு செய்து வருகிறது.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்


16 பேர் கொண்ட இக்குழு சில முக்கிய தகவல்களை வெளியிட்டுள்ளது. ”வானிலை காரணிகளுக்கும் பரவல் உச்சத்தை அடைவதற்கும் தொடர்பு இருக்கலாம். சில நாடுகளில் கொரோனா குளிர் காலத்தில் உச்சத்தை அடைகிறது. சில நாடுகளில் வெயில் காலத்தில் கொரோனா உச்சத்தை அடைகிறது. இதுவரை நடத்தப்பட்ட ஆய்வுகளை வைத்து பார்க்கும்போது கொரோனா பல ஆண்டுகளுக்கு நீடித்தால், அவை குறிப்பிட்ட பருவக்காலத்தில் மட்டும் ஏற்படும் தொற்றாக இருக்கும். கொரோனா ஏற்படுவதற்கும் பரவலுக்கும் காற்று மாசுபாடு ஒரு முக்கிய காரணமாக இல்லை. ஆனால் கொரோனாவால் பாதிக்கப்பட்டவர்கள் காற்று மாசுபாட்டினால் அதிகளவில் உயிரிழந்துள்ளனர்.” இவ்வாறு இக்குழுவின் ஆய்வுகள் தெரிவிக்கின்றது.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

பொறியியல் பொதுப் பிரிவு கலந்தாய்வு: முதல் சுற்றில் 11,595 மாணவர்களுக்கு இடங்கள் ஒதுக்கீடு

Web Editor

8ம் தேதிக்குப் பிறகு திமுக வேட்பாளர் பட்டியல்!

Jeba Arul Robinson

நாடாளுமன்ற கூட்டத்தொடர்: ‘பெகாசஸ் விவகாரம் பற்றிய பேச்சுக்கே இடமில்லை’

G SaravanaKumar