கர்நாடக தேர்தல் 2023-ல் காங்கிரஸ் கட்சியைச் சேர்ந்த 9 இஸ்லாமிய வேட்பாளர்கள் வெற்றி பெற்றுள்ளது இந்திய அளவில் கவனத்தை ஈர்த்துள்ளது.
224 தொகுதிகளை கொண்ட கர்நாடக சட்டசபைக்கு ஒரே கட்டமாக கடந்த 10ம் தேதி வாக்குப்பதிவு நடைபெற்றது. இதில் பாஜக, காங்கிரஸ், மதச்சார்பற்ற ஜனதா தளம் என மூன்று பெரும் கட்சிகளுக்கிடையே மும்முனை போட்டி நிலவிய நிலையில், மொத்தமாக 2 ஆயிரத்து 615 வேட்பாளர்கள் தேர்தலில் போட்டியிட்டனர். கடந்த 10-ம் தேதி நடைபெற்ற தேர்தலில், 73.19 சதவீத வாக்குகள் பதிவாகின.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
இதற்கான வாக்கு எண்ணும் பணி இன்று காலை 8 மணிக்கு தொடங்கியது. தொடக்கம் முதலே பெரும்பான்மையான இடங்களில் காங்கிரஸ் முன்னிலை வகித்து வந்தது. பெரும்பான்மையுடன் ஒரு கட்சி ஆட்சியமைக்க 113 தொகுதிகளில் வெற்றிபெற வேண்டிய நிலையில், 130-க்கும் அதிகமான தொகுதிகளில் காங்கிரஸ் கட்சி வெற்றி பெற்றுள்ளது.
இதன் மூலம் கர்நாடகாவில் தனிப்பெரும்பான்மையுடன் மீண்டும் காங்கிரஸ் ஆட்சி அமைக்கிறது. ஆளும் கட்சியாக இருந்த பாஜக 65 தொகுதிகளில் வெற்றி பெற்று 2வது இடத்தை பிடித்துள்ளது. இந்த தேர்தலில் குமாரசாமி தலைமையிலான மதச்சார்பற்ற ஜனதா தளம் 19 இடங்களில் வெற்றி பெற்றுள்ளது. சுயேட்சைகள் 2 இடத்திலும், பிற கட்சிகள் 2 இடத்திலும் வெற்றி பெற்றுள்ளன.
இந்த தேர்தலில் மொத்தம் 9 இஸ்லாமியர்கள் வெற்றி பெற்றுள்ளனர். கர்நாடகாவில் ஏறத்தாழ 13 சதவீதத்திற்கும் அதிகமானோர் இஸ்லாமியர்கள். ஹிஜாப் பிரச்னை, 4% இட ஒதுக்கீடு உள்ளிட்ட பல பிரச்னைகள் இருக்கும் இந்த மாநிலத்தில் 9 இஸ்லாமியர்கள், கர்நாடக சட்டப்பேரவைக்குள் செல்வது கவனத்தை ஈர்த்துள்ளது.
கர்நாடக சட்டமன்ற தேர்தல் 2023-ல் வெற்றி பெற்ற இஸ்லாமியர்கள் அனைவருமே காங்கிரஸ் கட்சியைச் சேர்ந்தவர்கள். மொத்தம் 11 இஸ்லாமியர்களை காங்கிரஸ் கட்சி களமிறக்கியது. மதச்சார்பற்ற ஜனதா தளம் கட்சி 23 இஸ்லாமியர்களை களத்தில் இறக்கியிருந்த நிலையில், அதில் ஒருவர் கூட வெற்றி பெறவில்லை.
கர்நாடக சட்டப்பேரவையில் அதிகபட்சமாக 1978 ஆம் ஆண்டு 16 இஸ்லாமியர்கள் எம்.எல்.ஏ-க்களாக தேர்வாகினர். குறைந்தபட்சமாக 1983 ஆம் ஆண்டு 2 இஸ்லாமியர்கள் எம்.எல்.ஏ-க்களாக தேர்வாகினர். கடந்த கர்நாடக சட்டமன்ற தேர்தலின்போது 7 இஸ்லாமியர்கள் வெற்றி பெற்ற நிலையில், இந்த தேர்தலில் 9 பேர் வெற்றி பெற்றுள்ளது குறிப்பிடத்தக்கது.
கர்நாடக தேர்தலில் வெற்றி பெற்ற காங்கிரஸ் கட்சியைச் சேர்ந்த இஸ்லாமிய வேட்பாளர்கள் :