இன்னும் சற்று நேரத்தில் வெளியாகும் சந்திரமுகி 2 முதல் பாடல்!

13 ஆண்டுகளுக்கு பிறகு சந்திரமுகி திரைப்படத்தின் இரண்டாம் பாகத்தில் ராகவா லாரன்ஸ் நடித்து வருகிறார். மேலும் ராதிகா, வடிவேலு, லக்‌ஷ்மி மேனன், சிஷ்டி டாங்கே, ரவிமரியா என நட்சத்திர பட்டாளமே நடித்து வந்தனர். முக்கிய கதாபாத்திரத்தில் பாலிவுட் நடிகை கங்கனா ரணாவத் நடிக்கிறார்.

லைகா புரொடக்ஷன் தயாரிப்பில் உருவாகியுள்ள இப்படத்திற்கு ஆஸ்கர் வென்ற எம்.எம்.கீரவாணி இசையமைக்கிறார். ஆர்.டி.ராஜசேகர் ஒளிப்பதிவு செய்கிறார். முதல் பாகத்தின் தொடர்பு இல்லாமல் உருவாகி வரும் இத்திரைப்படம் தெலுங்கில் வெளியான “நாகவள்ளி” திரைப்படத்தின் தழுவலாக இருக்கலாம் என கருதப்படுகிறது.

படப்பிடிப்பு நிறைவடைந்ததாக புகைப்படத்தை வெளியிட்டு படக் குழுவினர் அறிவித்தனர். அதன்படி, ”சந்திரமுகி 2” படம் விநாயகர் சதுர்த்தி அன்று வெளியாகும் என்று அறிவிக்கப்பட்டுள்ளது. நடிகர் ராகவா லாரன்ஸ் தன்னுடைய கதாபாத்திரத்திற்கான டப்பிங் பணியை தொடங்கிய நிலையில், அதற்கான அறிவிப்பை லைகா நிறுவனம் முன்னதாக தெரிவித்திருந்தது.

Are you ready to hear the chants of 'Swagathaanjali' echoing from the Chandramukhi House? 🌸🏯 Prepare your ears for a classical music treat! 😇✨🎼

The melodic first single from #Chandramukhi2 🗝️ #Swagathaanjali releasing at 5PM today! 🕔

A @mmkeeravaani musical 🎻✨
✍🏻🎶… pic.twitter.com/kxmkjMxSZO

— Lyca Productions (@LycaProductions) August 11, 2023

அவ்வப்போது படக்குழு இந்த படத்தை பற்றிய அப்டேட்டை வெளியிட்டு வருகிறது. இந்நிலையில் தற்போது “சந்திரமுகி 2” படத்தின் முதல் பாடலான ”சுவாகதாஞ்சலி” இன்று மாலை 5 மணிக்கு வெளியிடப்படும் என படக்குழு தனது அதிகாரப்பூர்வ ட்விட்டர் பக்கத்தில் பதிவு ஒன்றை வெளியிட்டுள்ளது.