கேன்ஸ் திரைப்பட விழாவில் இந்தி நடிகையான டயானா பெண்டி மினுமினுக்கும் உடையில் கலந்துகொண்டுள்ள புகைப்படம் இணையத்தில் அதிகம் பகிரப்பட்டு வருகிறது.
பிரான்சில் ஒவ்வொரு ஆண்டும் நடக்கும் கேன்ஸ் திரைப்பட விழாவிற்கு உலகளவில் எதிர்பார்ப்பு இருக்கிறது. அப்படி உலகப் புகழ் பெற்ற இந்த ‘கேன்ஸ் திரைப்பட விழா’ பிரான்ஸ் நாட்டில் உள்ள கேன்ஸ் நகரில் தொடங்கியது. இந்த விழாவானது 1946 முதல் ஆண்டுதோறும் நடைபெற்று வருகிறது. அந்த வகையில் இந்தாண்டு 76வது ‘கேன்ஸ் திரைப்பட விழா 2023’ வரும் 27 ஆம் தேதி வரை நடைபெறுகிறது.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
இந்த விழாவில் உலகில் பல்வேறு நாடுகளில் இருந்து ஆவணப்படங்கள், திரைப்படங்கள் உள்ளிட்டவை திரையிடப்படுகின்றன. இந்த முறை இந்தியாவில் இருந்து 3 படங்கள் திரையிடப்படுகின்றன. அனுராக் காஷ்யப் இயக்கிய ‘கென்னடி’ படம் மிட்நைட் ஸ்கீரினிங் பிரிவிலும், ராகுல் ராய் நடித்த ‘ஆக்ரா’ படம் ஃபோர்ட்நைட் பிரிவிலும், மணிப்பூரில் 1990ஆம் ஆண்டு வெளியான ‘இஷானோ’ படம் பிரஸ்டீஜியஸ் கேன்ஸ் கிளாசிக் பிரிவிலும் திரையிடப்படுகின்றன.
இந்தாண்டு நடைபெற்று வரும் கேன்ஸ் திரைப்பட விழாவில், இந்தியாவில் இருந்து மத்திய இணையமைச்சர் எல்.முருகன், நடிகைகள் ஐஸ்வர்யா ராய், மிருனால் தாக்கூர், சாரா அலி கான், மனுஷி சில்லர், ஊர்வசி ரவுடேலா உள்ளிட்ட பலர் கலந்து கொண்டுள்ளனர். அந்த வகையில் பிரபல இந்தி நடிகையான டயானா பெண்டியும் கலந்து கொண்டுள்ளார். இவர் காக்டெயில், செல்ஃபி, சல்யூட் முதலிய படங்களில்
ரத்தினங்கள் பதிக்கப்பட்டது போன்ற மினுமினுக்கும் உடையில் கேன்ஸ் திரைப்பட விழாவில் கலந்து கொண்ட டயானா பெண்டி, தனது இன்ஸ்டாகிராம் பக்கத்தில் தன்னுடைய புகைப்படத்தை பகிர்ந்துள்ளார். இந்த புகைப்படம் தற்போது இணையத்தில் அதிகம் பகிரப்பட்டு வருகிறது.
SHARE
