நடிகர் அஜித் வீட்டிற்கு மர்ம நபர் ஒருவர் வெடிகுண்டு மிரட்டல் விடுத்துள்ளார்.
தமிழ் சினிமாவில் முன்னணி நடிகராக இருப்பவர் அஜித். ஏராளமான ரசிகர் பட்டாளங்களை கொண்ட இவர் தற்போது H.வினோத் இயக்கத்தில் வலிமை படத்தில் நடித்து வருகிறார். கொரோனா ஊரடங்கால் இதன் படப்பிடிப்பு வேலைகள் தற்போது நிறுத்தப்பட்டுள்ளது.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
இந்நிலையில், சென்னை ஈஞ்சம்பாக்கத்தில் உள்ள அவரது வீட்டிற்கு வெடிகுண்டு மிரட்டல் விடுக்கப்பட்டுள்ளது. சென்னை காவல் கட்டுப்பாட்டு அறையை தொடர்பு கொண்டு பேசிய மர்ம நபர் தான் ராயப்புரத்தை சேர்ந்த விக்கி என்றும் நான் நடிகர் அஜீத்குமார் வீட்டிற்கு வெடிகுண்டு வைத்துள்ளதாக கூறி இணைப்பை துண்டித்துள்ளார். இதையடுத்து, வெடிகுண்டு நிபுணர் மற்றும் மோப்ப நாய் உதவியுடன் போலீசார் சோதனையில் ஈடுபட்டனர். சோதனை முடிவில் அது வெறும் புரளி என தெரிய வந்தது. இதைத்தொடர்ந்து மிரட்டல் விடுத்த நபரை போலீஸார் தேடி வருகின்றனர்.