பரந்தூர் விமான நிலையத்தில், தலைமுறை தலைமுறையாக வாழ்பவர்களின் எதிர்ப்பு, உணர்வு நியாயமானது எனக் காங்கிரஸ் சட்டமன்ற குழு தலைவர் செல்வபெருந்தகை தெரிவித்துள்ளார்.
பரந்தூர் விமான நிலையம் நில கையெடுப்பு தொடர்பாகச் காங்கிரஸ் சட்டமன்ற குழு தலைவர் செல்வபெருந்தகை தலைமைச்செயலகத்திலிருந்து செய்தி 7 தமிழுக்குப் பேட்டியளித்தார். அப்போது பேசிய அவர், தலைமுறை தலைமுறையாக வாழ்பவர்களின் எதிர்ப்பு, உணர்வு நியாயமானது. வளர்ச்சிக்கான திட்டங்களை வரவேற்க வேண்டும் அதேசமயம் மக்களின் உணர்வுகளைப் புரிந்துகொண்டு பேச்சுவார்த்தை நடத்த வேண்டும் எனக் கூறினார்.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
தொடர்ந்து பேசிய அவர், மக்கள் விளைநிலங்களுக்கு செண்டிற்கு ரூ. 3 லட்சமும், குடியிருப்புகளுக்கு செண்டிற்கு ரூ.10 இலட்சமும் கேட்கிறார்கள். இரண்டாம், மூன்றாம் கட்ட பேச்சுவார்த்தைகள் நடைபெறும் எனவும், பெரிய குடியிருப்புப் பகுதிகளை அகற்றாமல் விமான நிலைய திட்டத்தில் ரன்வேயை தள்ளிப்போடலாம் எனக் கூறினார்.
அண்மைச் செய்தி: ‘இந்தியப் பங்குச் சந்தை; மீண்டும் 60,000 புள்ளிகளைக் கடந்த சென்செக்ஸ்’
மேலும், மக்களுடைய அச்சம் நியாயமானது, அவர்கள் மனம் புண்படாமல் நடைமுறைப்படுத்த வேண்டும் எனத் தெரிவித்த அவர், வளர்ச்சித்திட்டங்கள் மக்களை வேதனைப்படுத்தாத வளர்ச்சியாக இருக்க வேண்டும். 2009-ல் முன்னாள் முதலமைச்சர் கருணாநிதியால் தீட்டப்பட்ட திட்டம், காலதாமதமில்லாமல் நிறைவேற்ற வேண்டும். காலம் காலமாக இருக்கும் மண்ணின் பூர்வ குடிகள் வாழ்வாதாரம் பாதிக்கப்படக்கூடாது. மக்கள் உளவியலாகப் பாதிக்கப்பட்டுள்ளார்கள் எனக் கூறினார்.
