அருண் விஜய் தமிழ் சினிமாவில் குறிப்பிடத்தக்க நடிகர்களில் ஒருவராவார். இவர் நடிப்பில் வெளியான தடையற தாக்க, என்னை அறிந்தால், குற்றம் 23, தடம் ஆகிய படங்கள் மக்களிடம் நல்ல வரவேற்பை பெற்றது. தற்போது அருண் விஜய், கிரிஷ் திருக்குமரன் இயக்கத்தில் ‘ரெட்ட தல’ என்ற படத்தில் நடித்து முடித்துள்ளார். இந்த படத்தில் அருண் விஜய் இரட்டை வேடங்களில் நடிக்கிறார்.
இப்படத்தில் தான்யா ரவிச்சந்திரன், சித்தி இத்னானி உள்ளிட்டோர் முக்கிய கதாபாத்திரங்களில் நடித்துள்ளனர். பிடிஜி யுனிவர்சல் நிறுவனம் தயாரிக்க சாம்.சி.எஸ் இப்படத்திற்கு இசையமைத்துள்ளார்.
இப்படத்தின் ‘கண்ணம்மா’ பாடல் சில வாரங்களுக்கு முன்பு வெளியாகி ரசிகர்களிடையே மிகுந்த வரவேற்பை பெற்றது. இந்த நிலையில், ‘ரெட்ட தல’ படம் வரும் டிசம்பர் 18ம் தேதி வெளியாகும் எனப் படக்குழுவினர் அறிவித்துள்ளனர்.
