நடிகை அனுஷ்காவின் ”மிஸ் ஷெட்டி மிஸ்டர் பொலிஷெட்டி” படத்தின் மூன்றாவது பாடலான “லேடி லக் நீயே” பாடல் வெளியாகி சமூக வலைதளங்களில் வைரலாகி வருகிறது.
தமிழ் மற்றும் தெலுங்கு திரையுலகின் பிரபலமான நடிகைகளில் ஒருவர் அனுஷ்கா ஷெட்டி. தமிழ் சினிமாவின் முன்னணி நட்சத்திரங்களான ரஜினிகாந்த், விஜய், அஜித், விக்ரம், சூர்யா மற்றும் கார்த்தி உள்ளிட்டவர்களுடன் அனுஷ்கா ஷெட்டி ஜோடியாக நடித்திருக்கிறார். பிரபாஸுக்கு ஜோடியாக அனுஷ்கா நடித்திருந்த பாகுபலி படம் அதிக வசூல் செய்த இந்திய படங்களில் இரண்டாவது இடத்தை பிடித்து சாதனை படைத்தது.
சமீபகாலமாக எந்த படத்திலும் நடிக்காமல் இருந்த அனுஷ்கா, 2 ஆண்டுகளுக்குப் பிறகு, ”மிஸ் ஷெட்டி மிஸ்டர் பொலிஷெட்டி” என்ற படத்தில் நடித்துள்ளார். தற்போது இந்த படம் வெளியீட்டுக்கு தயாராகி வருகிறது. மகேஷ் பாபு இயக்கத்தில் உருவாகியுள்ள இந்த படத்தில் நவீன் பாலிஷெட்டிக்கு ஜோடியாக அனுஷ்கா ஷெட்டி நடித்திருக்கிறார். மேலும் ஜெய சுதா, முரளி சர்மா ஆகியோர் முக்கிய கதாபாத்திரத்தில் நடித்துள்ளனர். சமீபத்தில் வெளியான இந்த படத்தின் டீசர் ரசிகர்களிடம் நல்ல வரவேற்பை பெற்றது.
இப்படத்தின் டீசர் மற்றும் டிரைலர் சமீபத்தில் வெளியாகி வைரலானது. இப்படத்தின் படப்பிடிப்பு சமீபத்தில் நிறைவடைந்த நிலையில், இறுதிக்கட்டப் பணிகள் வேகமாக நடைபெற்று வருகிறது. இந்த திரைப்படம் வரும் ஆகஸ்ட் 4-ம் தேதி வெளியாகவுள்ளதாக படக்குழு அதிகாரப்பூர்வமாக தெரிவித்துள்ளது.
இந்த படத்திற்கு அர்ஜுன் ரெட்டி பட இசையமைப்பாளர் ரதன் இசையமைத்துள்ளார். முதல் பாடல் நடிகர் தனுஷ் குரலில் வெளியானது. தற்போது இந்த படத்தின் 3வது பாடல் வெளியாகியுள்ளது. ”லேடி லக் நீயே” என தொடங்கும் இந்த பாடல் விவேக் எழுதிய பாடலை கார்த்திக் பாடியுள்ளார். இந்த பாடல் தற்போது இணைய தளங்களில் வைரலாகி வருகிறது.
