வெஸ்ட் இண்டீஸ் அணிக்கு எதிரான முதலாவது ஒருநாள் கிரிக்கெட் போட்டிக்கான ஆஸ்திரேலிய அணியின் கேப்டனாக அலெக்ஸ் கேரி நியமிக்கப்பட்டுள்ளார்.
ஆஸ்திரேலிய கிரிக்கெட் அணி, வெஸ்ட் இண்டீஸில் சுற்றுப்பயணம் மேற்கொண்டு 5 டி20 போட்டி, 3 ஒருநாள் போட்டி கொண்ட தொடர்களில் விளையாடி வருகிறது. முதலில் நடைபெற்ற டி20 தொடரில், 4-1 என்ற கணக்கில் வெஸ்ட் இண்டீஸ் தொடரை கைப்பற்றியது. இந்நிலையில், ஒருநாள் கிரிக்கெட் தொடர் நாளை தொடங்கவுள்ளது.
ஆஸ்திரேலிய அணியின் ஒருநாள் மற்றும் டி20 கேப்டனாக உள்ள ஆரோன் பிஞ்ச், காயம் காரணமாக முழங்காலில் ஏற்பட்டுள்ள காயம் காரணமாக நாளை நடைபெறும் போட்டியில் பங்கேற்க மாட்டார் என தெரிவிக்கப்பட்டுள்ளது.
https://twitter.com/CricketAus/status/1417231128767827972
ஆரோன் பிஞ்ச் காயம் காரணமாக விலகியதால், முதலாவது ஒருநாள் போட்டிக்கான கேப்டனாக அலெக்ஸ் கேரி நியமிக்கப்பட்டுள்ளதாக ஆஸ்திரேலிய கிரிக்கெட் வாரியம் அறிவித்துள்ளது.
இதன் மூலம், ஆஸ்திரேலிய ஒருநாள் கிரிக்கெட் அணிக்கு கேப்டனான பதவியேற்கும் 26வது நபர் என்ற பெருமையை அலெக்ஸ் கேரி பெற்றுள்ளார். விக்கெட் கீப்பர் பேட்ஸ்மேனான அலெக்ஸ் கேரி, ஆஸ்திரேலிய அணியின் துணை கேப்டனாக பொறுப்பில் இருந்தது குறிப்பிடத்தக்கது.
