பழம்பெரும் நடிகை ஜெயந்தி உடல்நலக்குறைவால் இன்று காலமானார்
கன்னட நடிகையான ஜெயந்தி தமிழ், கன்னடம், மலையாளம், தெலுங்கு, இந்தி உள்ளிட்ட மொழிகளில் 500க்கும் மேற்பட்ட திரைப்படங்களில் நடித்துள்ளார். இவர், தமிழில் எதிர் நீச்சல், இருகோடுகள், பாமாவிஜயம், புன்னகை, வெள்ளிவிழா, கண்ணா நலமா போன்ற படங்களில் நடித்துள்ளார். தனது நடிப்புத்திறமையால் பல்வேறு விருதுகளையும் பெற்றுள்ளார்.
இவர் கடந்த சில ஆண்டுகளாக ஆஸ்துமாவால் பாதிக்கப்பட்டு பெங்களூருவில் உள்ள மருத்துவமனையில் சிகிச்சைபெற்று வந்தார். இந்நிலையில், சிகிச்சை பலனின்றி இன்று காலை அவர் உயிரிழந்ததாக மருத்துவமனை சார்பில் தெரிவிக்கப்பட்டுள்ளது. அவரது இழப்பு திரையுலகில் சோகத்தை ஏற்படுத்தி உள்ளது.
