விழுப்புரத்தில், இ-ஸ்கூட்டர் விற்பனை நிலையத்தில் திடீரென பேட்டரி வெடித்து தீ விபத்து ஏற்பட்டது – இதில் ஒரு லட்சம் மதிப்பிலான பொருட்கள் எரிந்து சேதமடைந்தன.
விழுப்புரம் புதிய பேருந்து நிலையம் அருகே, தனியார் எலக்ட்ரிக் ஸ்கூட்டர் விற்பனை நிலையம் செயல்பட்டு வருகிறது. இந்த ஸ்கூட்டர் நிறுவனத்தில் பணியாளர்கள் பணி செய்து கொண்டிருக்கும் போதே, ஸ்கூட்டருக்கு மாற்றுவதற்காக வைக்கப்பட்டிருந்த புதிய பேட்டரிகள் திடீரென வெடித்து தீ விபத்து ஏற்பட்டது.
இதனையடுத்து, வெளியே வந்த பணியாளர்கள் அருகிலுள்ள தீயனைப்பு நிலையத்திற்கு தகவல் தெரிவித்தனர். விரைந்து வந்த விழுப்புரம் தீயனைப்பு துறையினர் தண்ணீரை அடித்து தீயை அனைத்தனர். மேலும், தீயை அனைத்த பிறகும் பேட்டரிகளில் இருந்து வெளியே வந்த புகை, விற்பனை நிலையம் முழுவதும் பரவி புகை மண்டலமாக காட்சியளித்தது.
இந்த விபத்தில் தீ பரவுவதை தீயனைப்பு வீரர்கள் உடனடியாக கட்டுபடுத்தியதால், பல லட்சம் மதிப்பிலான புதிய ரக பேட்டரி ஸ்கூட்டர்கள் தீ விபத்திலிருந்து மீட்கப்பட்டன. மேலும், இந்த தீ விபத்து காரணமாக அப்பகுதியில் சிறிது நேரம் பரபரப்பு ஏற்பட்டது.
—-கு.பாலமுருகன்
