இந்த உலகத்தின் மாறாத உண்மை என்னவென்றால், பிறக்கும் அனைத்தும் பின்னர் அழிக்கப்படும். மனிதர்கள், விலங்குகள், மரங்கள், தாவரங்கள் மற்றும் இயற்கையின் பிற பொருட்களுக்கும் இதுவே நடக்கும். பூமி எப்படிப் படைக்கப்பட்டதோ, அதே வழியில் அது முடிவடையும். ஆனால் அந்த நாள் எப்போது வரும் என்று நீங்கள் எப்போதாவது யோசித்திருக்கிறீர்களா?
இது பலவகையில் நிகழும் என கூறப்படுகிரது. ஒரு பெரிய விண்கல் பூமியுடன் மோதும் அல்லது பூமியில் இருக்கும் ஆக்ஸிஜன் தீர்ந்துவிடும். பூமியின் அழிவுக்கு சூரியனும் மற்றொரு காரணமாக இருக்கலாம். சூரியன் கருந்துளையாக (black hole) மாறி பூமி அதில் உறிஞ்சப்படலாம்.
எது எப்படியோ, அடுத்த பல கோடி ஆண்டுகளுக்கு பூமி அழியாது என நம்பப்படுகிறது. இப்படிப்பட்ட சூழ்நிலையில் மனிதர்களின் இருப்பு இப்போதைக்கு முடிவுக்கு வரப் போவதில்லை. பூமி அழிவதற்கு இன்னும் பல பில்லியன் ஆண்டுகள் உள்ளன. மனித இனத்தின் முடிவைப் பற்றி வெவ்வேறு கூற்றுக்கள் செய்யப்படுகின்றன.
66 மில்லியன் ஆண்டுகளுக்கு முன்பு மெக்ஸிகோ வளைகுடாவை நகர அளவிலான சிறுகோள் தாக்கியபோது, அந்த நேரத்தில் பூமியில் இருந்த பெரும்பாலான உயிரினங்களும், டைனோசர்களும் அழிந்துவிட்டன என்றும் ஒரு கூற்று உள்ளது. அதே போல் பூமியைத் தாக்கும் ஒரு சிறுகோள் இங்கு இருக்கும் அனைவரையும் எளிதில் தகர்த்துவிடும். இருப்பினும், இது தற்போது நடக்க வாய்ப்பில்லை.
நாசாவின் கூற்றுப்படி, பூமி தோராயமாக ஒவ்வொரு 100 மில்லியன் வருடங்களுக்கும் ஒரு பெரிய சிறுகோளால் தாக்கப்படுகிறது. சிறிய சிறுகோள் தாக்கங்கள் எல்லா நேரத்திலும் நிகழ்கின்றன.
பூமியில் உள்ள அனைத்து உயிர்களையும் அழிக்க கடல்களை உண்மையில் கொதிக்க வைக்கும் ஒரு தாக்கம் தேவைப்படும். சூரிய குடும்பத்தில் உள்ள மிகப்பெரிய சிறுகோள்களாகக் கருதப்படும் பல்லாஸ் மற்றும் வெஸ்டா போன்ற சிறுகோள்கள் மோதுவதால் மட்டுமே இது நடக்க வாய்ப்புள்ளதாகவும் கூறப்படுகிறது. எது எப்படியோ, இப்போதைக்கும் மனித இனத்திற்குப் பாதிப்பு ஒன்றும் இல்லை என்பதே ஒரு நல்ல செய்தி.
