வெளியானது கங்குவா படத்தின் ஃபர்ஸ்ட் லுக்!

தமிழ் சினிமாவின் அடுத்த பிரம்மாண்ட ரிலீசாக வெளியாக இருப்பது ‘கங்குவா’ படம். சூர்யா நடிப்பில் மிகப் பெரிய எதிர்பார்ப்புடன் உருவாகி வரும் இந்தப்படத்தை சிறுத்தை சிவா இயக்கி வருகிறார். தொடர்ச்சியாக பேமிலி டிராமா படங்களை இயக்கி கமர்ஷியல்ரீதியாக தொடர் வெற்றிகளை கொடுத்து வந்த இயக்குநர் சிவா, தற்போது முதன்முறையாக சூர்யாவுடன் கூட்டணி அமைத்துள்ள ‘கங்குவா’ படத்தினை தனது பாணியிலிருந்து முற்றிலும் வேறு விதமாக இயக்கி வருகிறார்.

3டி தொழில்நுட்பத்தில் பிரம்மாண்டமாக உருவாகி வரும் ‘கங்குவா’ படம் 10 மொழிகளில் தயாராகிறது. இதுவரை இல்லாத அளவிற்கு இரு மடங்கு பட்ஜெட்டில் இந்தப்படத்தினை ஸ்டுடியோ கிரீன் ஞானவேல் ராஜா தயாரித்து வருகிறார். அத்துடன் இந்தப்படத்தில் பல கெட்டப்களில் நடிக்கும் சூர்யா, இதற்காக உடல் எடையை அதிகரித்து மாஸ் லுக்கில் வலம் வருகிறார்.

இதையடுத்து ‘கங்குவா’ படத்தின் முதல் கிளிம்ப்ஸ் வீடியோவை நள்ளிரவு 12.01 மணிக்கு  வெளியிட உள்ளதாக படக்குழுவினர் அதிகாரப்பூர்வமாக அறிவித்திருந்தனர். திட்டமிட்டபடி ‘கங்குவா’ படத்தின் முதல் கிளிம்ப்ஸ் வீடியோ வெளியானது.