தமிழ்நாடு முதலமைச்சர் மு.க. ஸ்டாலின் தலைமையில் தலைமைச் செயலகத்தில் நடைபெற்ற அமைச்சரவைக் கூட்டம் முடிவுற்றது.
புதிதாக பொறுப்பேற்றுக்கொண்ட திமுக தலைமையிலான அரசின், 16-வது சட்டமன்றத்தின் முதல் கூட்டத்தொடர் ஜூன் 21ஆம் தேதி தொடங்கியது. கொரோனா பரவல் காரணமாக கடந்தமுறை போலவே சென்னை கலைவாணர் அரங்கில் சட்டமன்றக் கூட்டத்தொடர் நடைபெற்றது. ஜூன் 21ஆம் தேதி தமிழ்நாடு ஆளுநர் பன்வாரிலால் புரோகித் உரை நிகழ்த்தினார். இன்று ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதத்தில் தமிழ்நாடு முதலமைச்சர் மு.க. ஸ்டாலின் பதிலளித்துப் பேசினார். அதனையடுத்து கூட்டத் தொடரை தேதி குறிப்பிடாமல் சபாநாயகர் அப்பாவு ஒத்திவைத்தார்.
இந்நிலையில், இன்றுடன் தமிழ்நாடு சட்டப்பேரவையின் 16வது கூட்டத்தொடர் முடிவடையும் நிலையில், இன்று மாலை 6 மணிக்கு தமிழ்நாடு அமைச்சரவை கூட்டம் தலைமைச் செயலகத்தில் நடைப்பெற்றது. இரண்டாவது முறையாக நடைபெற்ற அமைச்சரவைக் கூட்டத்தில் முக்கிய விவகாரங்கள் குறித்து ஆலோசிக்கப்பட்டது.
