முக்கியச் செய்திகள் உலகம்

இலங்கையில் மீண்டும் அவசர நிலை பிரகடனம்

இலங்கையில் நேற்று நள்ளிரவு முதல் மீண்டும் அவசரநிலை பிரகடணப்படுத்தப்பட்டுள்ளது.

இலங்கையில் அன்னியச் செலாவணி பற்றாக்குறை, எரிபொருள் தட்டுப்பாடு, அத்தியாவசியப் பொருட்களின் விலை உயர்வு உள்ளிட்ட பல்வேறு பிரச்னைகள் காரணமாக அந்நாடு கடும் பொருளாதார நெருக்கடியை சந்தித்து வருகிறது. இதன் காரணமாக, அதிபர் கோத்தபய ராஜபக்சவும், பிரதமர் மகிந்த ராஜபக்சவும் பதவி விலக வலியுறுத்தி, அந்நாட்டு மக்கள் தொடர் போராட்டங்களில் ஈடுபட்டு வருகின்றனர்.

இந்நிலையில், இலங்கை அரசுக்கு எதிராக தொழிற்சங்கத்தினர் நேற்று நடத்திய வேலைநிறுத்தப் போராட்டத்திற்கு அந்நாட்டு மக்கள் முழு ஆதரவு அளித்தனர். தொடர்ந்து நாடாளுமன்றம் முன்பாக ஆயிரக்கணக்கில் மக்கள் திரண்டு போராட்டத்தில் ஈடுபட்டனர்.

மாணவர்கள் மற்றும் மக்கள் போராட்டம் தீவிரமடைந்து வருவதையடுத்து, நேற்று நள்ளிரவு முதல் இலங்கையில் அவசரநிலை பிரகடனப்படுத்தப்பட்டுள்ளது. இதற்கான பிரகடணத்தில் இலங்கை அதிபர் கோத்தபய ராஜபக்ச கையொப்பமிட்டுள்ளார். அதில், இலங்கையில் அவசரகால நிலை நிலவுவதால், பொதுமக்களின் பாதுகாப்பை உறுதிப்படுத்தவும், நாட்டில் அமைதியை ஏற்படுத்தவும், நாட்டு மக்களுக்கான அத்தியாவசிய சேவைகளை வழங்கவும் அவசரநிலை பிரகடனப்படுத்தப்படுவதாக அவர் அறிவித்துள்ளார்.

Advertisement:
SHARE

Related posts

நடித்த படம் வெளியாகும் முன்னே உயிரிழந்த கலைஞன் நல்லாண்டி

Saravana Kumar

சினிமாவிற்காக வாழ்க்கையை தொலைத்தவரின் கதை

Arivazhagan CM

ஆக்சிஜன் சிலிண்டர் ஏற்றி வந்த மினி லாரி வெடித்து விபத்து

Saravana Kumar