சென்னையில் நடக்கப்போகும் ஜவான் படப்பிடிப்பில் ஷாருக்கானும் நடிகை தீபிகா படுகோனும் பங்கேற்கின்றனர்.
அட்லீ இயக்கத்தில் உருவாகி கொண்டிருக்கும் படம் ஜவான். இந்த படத்தில் இரண்டு வேடங்களில் ஷாருக்கான் நடித்து வருகிறார். அப்பாவாக நடிக்கும் ஷாருக்கானுக்கு ஜோடியாக தீபிகா படுகோனே ஜோடியாகவும் மகனாக நடிக்கும் ஷாருக்கானுக்கு ஜோடியாக நயன்தாராவும் நடிக்கிறார்கள்.
கடந்த சில மாதங்களாகவே இந்த படத்தின் படப்பிடிப்பு மும்பையில் நடைபெற்று வந்த நிலையில் தற்போது ஜவான் படப்பிடிப்பு சென்னையில் நடைபெற உள்ளது. முன்னதாக ஜவான் படக்குழு மும்பையில் இருந்து சென்னைக்கு வந்து படப்பிடிப்புக்கான வேலைகளை தொடங்கி உள்ளார்கள்.
இதுவரை இப்படத்தில் ஷாருக்கான் உடன் இணைந்து நயன்தாரா மட்டுமே நடித்து வந்த நிலையில், சென்னையில் நடக்கப்போகும் படப்பிடிப்பில் தீபிகா படுகோனேவும் கலந்து கொள்ளப் போகிறார். இந்த படப்பிடிப்புக்காக யூனிட்டுடன் இயக்குனர் அட்லீ சென்னை வந்து இறங்கிய வீடியோக்கள் தற்போது சமூக வலைதளங்களில் வைரலாகி வருகிறது.
